2017 yil, 20 iyul kuni Odil Ahmedovdan qisqacha intervyu olgandim. Vaziyat taqozo qilgan edi. Unda Odil shunday degan edi:
"Namanganlik istedodlar Rossiyaga ishlagani emas, o'ynagani ketishi kerak! Mana shu falsafani ilgari surishimiz kerak".
Kechagi fojea uyqu bermadi, bugun matbuotda halok bo'lganlar Namangan o'g'lonlari ekanligini o'qidim-u, soniyalar ichida Odilni gaplari miyyamni larzaga keltirdi. O'tkanlarni qaytara olmaymiz, oxiratlari obod bo'lsin. Yaqinlari bilan diydor qiyomatga qoldi. Mayitlarni yurtimizga olib kelish uchun hukumat tomonidan katta delegaciya Aktobe tomon tezkorlik bilan uchib borishdi.
Bugun O'zbekiston yoshlar terma jamoasi mana shu yo'qotganlarimiz haqqi-hurmati iroda ko'rsatishdi, rahmat sizlarga! Halok bo'lganlar ichida qanchadan, qancha yoshlar bor ekan. Ular ichida futbolga befarq bo'lmaganlari aniq bo'lgan. SHularning xotirasiga bugun chiroyli va mazmunli o'yin ko'rsatganingiz uchun rahmat!
Endi intervyuga qaytsak. Viloyatlarda bolalar futbolini yangi bosqichga olib chiqmasak bo'lmaydi. Bir nafar futbolchi topadigan daromadga, Rossiyaga ketayotgan qanchadan-qancha muxojirga ish o'rini yaratish mumkinligini o'ylab ko'ring. Yaqinda O'FF delegaciyasi tarkibida vodiyda bo'ldik. "Oltin vodiy" loyihasi asosida chiqish qildi. Ayrim "mutaxassislar" qarshimda o'tirar edi, chiday olmadim, barchasi ochiqlab tashladim. Axir vodiyda meni farzandim emas, sizlarning farzandlariz kamol topayapti. Vodiy futboli gullasa, men emas, siz boy yashaysiz nega shuni to'g'ri tushunmayapsizlar? Yig'ilish o'z yakuniga etganidan keyin qancha vaqt o'tdi, biron kishida yana qiziqish yo'q. Hukumat darajasida etibor qaratilayotgan bir paytda, sizdakalar bilan rivojlana olmasligimizni o'ylasam achinaman.
Balki etar? Balki bolalarning haqqini o'g'irlashni to'xtatarmiz! Kechagi voqea meni yanada tasirlantirdi, mayli yomon ko'rinay o'sha "Navbahor"ga, o'sha "Neftchi"ga lekin men axd qildim, kiraman vodiyga. Keling yaxshisi birlashaylik, 3-4 nafar muxlisni atrofga yig'ib, yaxshilar ustidan ig'vo qilishni to'xtataylik. Allaqachon sifatini yo'qotib ulgurgan futbol internatlarini sifatini oshiraylik. Keling, barcha-barchasini chetga suraylik yoki ishdan "suraylik"!
Nodirxo'ja Yuldashev
Bosh sahifaga
1963