Tunda futbol! "Olimpiyashtadion"da "nemischa kino"

"Gerta" odatda o'z uyidagi bellashuvlarda "Borussiya" Dortmunddan ochko olishda ortiqcha muammolarga duch kelmaydi. "Borussiya" Dortmund "Olimpiyashtadion"dagi oxirgi 3 uchrashuvdan buyon g'alaba nimaligini bilmayapti. Agarda bugungi matchda "Borussiya" Dortmund "Gerta" darvozasini ishg'ol etishni uddasidan chiqsa, unda bu dortmundliklarning Germaniya chempionatidagi yubiley 20000-goli sifatida tarixga kiradi.

Bundesliga turnir jadvali

Bu jamoalarning birinchi davradagi o'zaro uchrashuvida "Borussiya"ning qo'li baland kelgandi. "Signal Iduna park"da o'tgan o'yinda Per-Emerik Obameyang hamda Nuri SHaxin tomonidan kiritilgan gollar bahs taqdirini mezbonlar foydasiga hal etgandi.

"Gerta" - "Borussiya" uchrashuvini Kristian Dingert boshchiligidagi hakamlar brigadasi boshqarib boradi.

Taxminiy tarkiblar:

"Gerta" - Yarsteyn — Plattenxardt, Vayzer, SHtark, Pekarik — SHelbred, Kalu, Lazaro, Lustenberger, Mayer, Zelke

"Borussiya" - Byurki - Sokratis, Toprak, Tolyan, Pishhek - Kagava, Vaygl, Getce, Sancho — Yarmolenko, Isak

Berlinga "Borussiya" Dortmund mehmon sifatida tashrif buyurishi doim qiziqarli va chiroyli futbolni kafolatlaydi. "Olimpiyashtadion"da bugun tunda haqiqiy "nemischa kino" taqdim etiladi. Bu shiddatkor futbolni o'tkazib yubormang.