Ravshan Haydarov: "Biz Janubiy Koreya bilan o'yinga tayyormiz"

2018-01-22 12:50:07 / Kiritdi: BestMaster O'qilgan: 736

Xitoyda bo'lib o'tayotgan U-23 Osiyo chempionatida ertaga yarim final bahslari o'tkaziladi.

CHorak finalda Yaponiyani 4:0 hisobida mag'lub etgan O'zbekiston U-23 terma jamoasi ertaga finalga chiqish uchun Janubiy Koreyaga qarshi bahs olib boradi. Bugun o'yindan oldingi matbuot anjumani tashkil etildi.

Terma jamoamiz bosh murabbiyi Ravshan Haydarov o'yindan oldin shunday dedi:

- "Ayni paytga kelib bizda tarkib bo'yicha umuman muammo yo'q. Barcha futbolchilar ertaga bo'lib o'tadigan uchrashuvga tayyor. Biz jismoniy, taktik va ruhiy jihatdan ham mazkur bahsga tayyormiz. O'ylaymanki, ertaga eng yaxshi o'yinimizni namoyish etamiz".

- "Hozir Janubiy Koreya bilan bir xil vaziyatdamiz, chunki ikkala jamoa ham musobaqada to'rttadan o'yin o'tkazdi. Yaponiyaga qarshi yirik g'alaba o'yinchilarimizning kayfiyatini ko'tarib yubordi. Lekin biz bilamizki, Janubiy Koreya kuchli jamoa. Ammo ularni ham engishga harakat qilamiz".

Teglar: ravshan, haydarov, janubiy, koreya, bilan, oyinga, tayyormiz,
← Oldinga Orqaga →