O'zbekiston Milliy olimpiya qo'mitasi va O'zbekiston futbol federaciyasi prezidenti Umid Ahmadjonov Ispaniyada rasmiy tashrif bilan bo'lib, bir qator mutasaddilar va mutaxassislar bilan uchrashgani haqida avval xabar berib o'tgandik.
Bugun Umid Ahmadjonov Parijda Franciya futbol federaciyasi mutassaddilari - Franciya futbol federaciyasi Prezidenti mahkami boshlig'i Janob Kenni Jan Mari, Tashqi aloqalar va institutlararo aloqalar boshqarmasi boshlig'i Emili Doms va Franciya futbol federaciyasi Texnik direktori Filip Montaner bilan uchrashdi.
Uchrashuv davomida bolalar futboli bo'yicha franciyalik mutaxassislarni O'zbekistonga olib kelish, yurtimizdagi yosh futbolchilarni Franciya jamoalariga jalb qilish, Superligada ishtirok etadigan jamoalarning saviyasini oshirish, ularning ish faoliyatini Evropa andozalari asosida yo'lga qo'yish maqsadida klublar bosh direktorlari va akademiyalar rahbarlarini Parijga malaka oshirish va tajriba o'rganishga yuborish bo'yicha kelishuvga erishildi.
Bundan tashqari, shu yilning aprel – may oylarida Franciya futbol federaciyasi, Franciya Tashqi ishlar vazirligi va Franciya Sport vazirligi mutaxassislaridan tashil topgan delegaciya yurtimizga tashrif buyurishi ko'zda tutilgan. Ular Superliga klublarining marketing bo'yicha mutaxassislari ishtirokidagi seminarlarida o'z tajribalari bilan o'rtoqlashib, klublarimizning marketing bo'yicha faoliyatini samarali yo'lga qo'yishga yordam berishadi.
Bosh sahifaga
1766