Oliy liga-2015 yakunlari. "Mashal" haqida
/ Kiritdi: BestMaster O'qilgan: 1456
2015 yilgi mavsumda ishtirok etgan barcha klublar haqida malumot berishni davom ettiramiz.
Bugun Muborakning "Mashal" klubi haqida malumot beramiz.
Mavsum
Muborakliklar uchun mavsum ajoyib boshlandi. Namanganda "Navbahor", o'z maydonida "Andijon" mag'lub etildi va oliy ligada peshqadam bo'lib oldi. Biroq keyin mag'lubiyatlar va ochkolar yo'qotila boshlandi. Dastlabki davrani "Mashal" 10-pog'onada tugatdi. Ikkinchi davrada safarda "Olmaliq", Muborakda "Neftchi", "Bunyodkor" va "Nasaf" mag'lub etildi.
Murabbiy
Aleksandr Xomyakov ikkinchi yil jamoa bilan oliy ligada ishladi. Rossiyalik murabbiy boshchiligida "Mashal" o'tgan yil 5-o'rinni olgandi. Bu yil esa natija pastroq bo'ldi. Murabbiy keyingi yil ham muborakliklar ustozi sifatida ishlashga yaqin turibdi.
Etakchi
Jahongir Jiyamurodov
Tajribali futbolchi bu yil "Mashal"ning etakchisi bo'ldi. Yangi futbolchilar va yosh o'yinchilarga ham maydonda, ham uning tashqarisida o'rnak bo'lgan Jiyamurodov 26ta o'yinda maydonga tushdi. Murabbiy undan ko'proq qanot himoyachisi sifatida foydalandi.
Kashfiyot
Humoyun Murtazoev
To'g'ri Humoyun Murtazoev yosh futbolchi emas. Biroq 24 yoshli hujumchi bu mavsum oliy ligada rostakamiga o'zini ko'rsata oldi. Futbolchi 21ta o'yinda maydonga tushib raqiblar darvozasiga 6ta gol urdi. Ayniqsa Olmaliqda "Olmaliq"qa qarshi kechgan bahs uning benefisiga aylanib ketdi. O'sha o'yinda Murtazoev 7 daqiqa ichida dublga erishgandi.
Eng yaxshi o'yin
"Mashal" - "Bunyodkor" 3:2
24-turda "Bunyodkor"ni qabul qilgan "gazchilar" tarixiy g'alabani qo'lga kiritishdi. O'sha kunga qadar Muborak ulbi "Bunyodkor" bilan xatto durang o'ynay olmagandi. Uchrashuvning 10-daqiqasida SHaker Zuagi hisobni ochdi, oradan ikki daqiqa o'tgach Mikita Bukatkin hisobni tenglashtirdi. Birinchi bo'limda "Mashal"ning sobiq hujumchisi Eldor SHomurodov maydon egalari darvozasini ishg'ol qildi. Ikkinchi bo'limda Siroj Hamroevning urgan goli muvozanatni tikladi. Xayrulla Karimov maydondan chetlatilgach Zafar To'raev to'p kiritib "Mashal"ga "Bunyodkor" ustidan dastlabki g'alabani keltirgandi - 3:2.
Eng yaxshi futbolchi
Zafar To'raev
"Gattuzo" bu yil "Mashal" safida eng yaxshi futbolchi bo'la oldi. 25 yoshli yarim himoyachi mavsum davomida jamoa safida eng ko'p maydonga tushgan futbolchi 29ta uchrashuvda 7ta gol urdi. Yarim himoyachi oliy ligada bir mavsumda eng ko'pi bilan 5ta gol urgandi. Demak u bu yil o'zining shaxsiy rekordini yangilay oldi. Etiborlisi Zafar To'raev "Olmaliq" va "Paxtakor"ga qarshi ikkala o'yinda bittadan gol urishga erishdi.
Kim qancha o'ynadi?
| Futbolchi | Amplua | T.sana. | O'yin | Daqiqa | Gol | SK | QK |
| To'raev Zafar | Yahm | 01.07.1990 | 29 | 2168 | 7 | 5 | 0 |
| Bukatkin Mikita | Yahm | 07.03.1988 | 27 | 2299 | 2 | 11 | 0 |
| Fayziev SHerzod | Yahm | 06.02.1992 | 27 | 2199 | 2 | 3 | 0 |
| Qo'ziboev Zohir | Huj | 11.03.1986 | 26 | 2257 | 4 | 3 | 0 |
| Jiyamurodov Jahongir | Yahm | 04.11.1987 | 26 | 1916 | 0 | 7 | 0 |
| Hasanov Jamshid | Huj | 03.09.1988 | 26 | 1732 | 4 | 2 | 0 |
| SHaymanov SHahzod | Him | 02.04.1992 | 26 | 1649 | 1 | 5 | 0 |
| Komilov G'iyosjon | Him | 11.03.1989 | 25 | 2200 | 1 | 5 | 0 |
| SHodmonov Abbos | Him | 06.11.1988 | 21 | 1720 | 0 | 4 | 0 |
| Murtazoev Humoyun | Huj | 08.11.1992 | 21 | 1348 | 6 | 0 | 0 |
| Nosirov Botir | Dar | 11.06.1985 | 18 | 1541 | 0 | 3 | 0 |
| Hamroev Siroj | Him | 26.05.1990 | 18 | 1541 | 2 | 5 | 2 |
| Quvvatov Sanjar | Dar | 08.01.1990 | 12 | 1069 | 0 | 0 | 0 |
| Ivanov Vladislav* | Huj | 24.01.1986 | 12 | 947 | 5 | 0 | 0 |
| G'ofurov Mirzohid** | Yahm | 22.09.1988 | 12 | 831 | 1 | 2 | 0 |
| Omonov Abbos | Yahm | 28.01.1988 | 12 | 733 | 0 | 4 | 0 |
| Bahodirov Qahramon* | Yahm | 07.08.1988 | 12 | 639 | 0 | 1 | 0 |
| Toshpo'latov Ixtiyor | Huj | 04.03.1993 | 12 | 367 | 1 | 2 | 1 |
| Dostonov SHoxrux | Huj | 20.09.1993 | 11 | 494 | 1 | 1 | 0 |
| Xolmurodov Xolmurod | Yahm | 29.06.1994 | 11 | 443 | 0 | 2 | 0 |
| Abibullaev Dilyaver** | Yahm | 04.03.1987 | 10 | 612 | 0 | 2 | 0 |
| Abdurahmonov Doston* | Yahm | 05.05.1990 | 9 | 232 | 0 | 0 | 0 |
| Nabiev Abdulla | Huj | 27.09.1993 | 7 | 139 | 0 | 0 | 0 |
| Boboxonov Iqbol* | Him | 19.03.1989 | 4 | 192 | 0 | 2 | 0 |
| Rahmatullaev Sirojiddin | Yahm | 22.01.1993 | 2 | 129 | 0 | 0 | 0 |
| Allaev Sirojiddin | Him | 03.04.1993 | 2 | 108 | 0 | 0 | 0 |
| Ilyosov Javohir | Dar | 06.02.1994 | 1 | 90 | 0 | 0 | 0 |
| Hamdamov Tursunmurod* | Yahm | 04.02.1995 | 1 | 45 | 0 | 0 | 0 |
Izoh:
* - birinchi davradan so'ng jamoani tark etganlar.
** - ikkinchi davrada jamoaga kelganlar
"Mashal-2015" mavsum statistikasi
| O'yinlar | 30 |
| Gollar | 37 |
| Uydagi gollar | 24 (64,86%) |
| Mehmondagi gollar | 13 (35,14%) |
| O'tkazilgan gollar | 42 |
| Uyda o'tkazilgan gollar | 17 (40,48%) |
| Mehmonda o'tkazilgan gollar | 25 (59,52%) |
| O'rtacha gol | 1,23 |
| O'rtacha o'tkazilgan gol | 1,4 |
| Uydagi ochkolar | 26/45 (57,78 %) |
| Mehmondagi ochkolar | 12/45 (26,67 %) |
| Eng yirik g'alaba | 3:0 - "Qo'qon-1912" |
| Eng yirik mag'lubiyat | 0:4 - "Bunyodkor" |
| "Quruq" o'yinlar | 7 (23,33%) |
| Gol ura olmagan o'yinlar | 9 (30%) |
| Irodagi g'alaba | 3 |
| Yirik g'alabalar | 1 |
| Yirik mag'lubiyatlar | 2 |
| Avtogol (urilgan/o'tkazilgan) | 0/1 |
| Ogohlantirishlar (o'rtacha) | 69 (2,3) |
| CHetlatishlar (o'rtacha) | 3 (0,1) |
| Maydonga tushganlar (legioner) | 28 (2 - 7,14%) |
| Tomoshabinlar (jami/o'rtacha) | 122081 / 4069 |
Oliy liga-2015 yakunlari. "Paxtakor" haqida
Oliy liga-2015 yakunlari. "Lokomotiv" haqida
Oliy liga-2015 yakunlari. "Nasaf" haqida
Oliy liga-2015 yakunlari. "Neftchi" haqida
Oliy liga-2015 yakunlari. "Olmaliq" haqida
Narzulla Saydullaev
Bosh sahifaga
1136