O'zbekistonda 2017 yilning eng yaxshi ayol futbolchisi deb topilgan Lyudmila Karachik erkin futbolchi sifatida “Bunyodkor” bilan shartnoma imzoladi.
1994 yilda tavallud topgan futbolchi bungacha Toshkentning “Olimpik”, “Paxtakor”, Qarshining “Sevinch” va Bekobodning “Metallurg” klublari sharafini himoya qilgan. So'nggi uch mavsumda u to'purarlar poygasida birinchi bo'lib kelmoqda. 2015 yilda 66ta gol urib, ayollar o'rtasidagi O'zbekiston chempionatida o'ziga xos rekord o'rnatgan bo'lsa, 2016 va 2017 yilgi mavsumlarda raqiblari darvozalarini 34 va 40tadan ishg'ol qildi.
Lyudmila Karachik “Bunyodkor” ayollar jamoasining g'alabalariga munosib hissa qo'shadi, degan umiddamiz. “Bunyodkor” FK oilasiga xush kelibsan, Lyudmila!, - deyiladi "Bunyodkor" matbuot xizmati xabarida.
Bosh sahifaga
123