Klub rasmiy saytining xabar qilishicha, “Al Faysaliy” klubi rasmiy delegaciyasi va futbolchilari 26 yanvar juma kuni ertalab Istanbul-Toshkent havo yo'nalishi orqali Toshkentga kelishadi. 27 yanvar kuni esa “Afrosiyob” poezdida Toshkentdan Qarshiga kelishadi va “Hayot” mehmonxonasiga joylashadilar.
“Al Faysaliy” klubi delegacyasi 36 kishidan iborat, shulardan 21 nafari futbolchilardir.
Mehmonlar 27 va 28 yanvar kunlari Qarshi shahridagi “Geolog” stadionida o'yinga tayyorgarlik mashg'ulotlarini o'tkazishni rejalashtirgan.
"Ajdarlar" bergan malumotga ko'ra, ushbu uchrashuvni yaponiyalik FIFA hakami Xiryuki Kimura boshqaradi. Unga qanotlarda hamyurtlari Ochi SHinji va Takagi Takumilar yordam berishadi.
Uchrashuvda zaxira hakami sifatida tojikistonlik hakam Nasrullo Kabirov ishlaydi.
Hakamlar ishini Ali Hamad Badaviy (BAA) nazorat qiladi.
Uchrashuvda Dorji Mindu (Butan) komissarlik qiladi.
Bosh sahifaga
1713