Olim Ashirov klub tarixidagi eng yaxshi markaziy himoyachilardan biri sanaladi.
U German Titov nomidagi olimpiya zaxiralari kollejini tamomlagan. "Paxtakor" tarkibiga 1972 yil kelib qo'shilgan Ashirov jamoada 8 mavsum davomida to'p tepgan. SHundan besh yil oliy, uch yil esa birinchi ligada o'ynagan. To'pni olib qo'yish, sheriklarining o'rnini to'ldirish, kuchli zarba yo'llash va hujumga qo'shilish kabi jihatlarda juda mohir bo'lgan. Bir necha bor O'zbekiston yoshlar terma jamoasi sardori etib saylangan. "Paxtakor" safida 149 uchrashuvda 5 gol urishga erishgan. 1972 yil SSSR birinchi ligasi g'olibiga aylangan.
U 1979 yil 11 avgustda Minskka parvoz chog'ida Dneprodzerjinsk osmonida ro'y bergan aviahalokatda hayotdan ko'z yumgan. Uning ikki o'g'li - Oleg va Ulug'bek ham faoliyati davomida futbolga bog'liq insonlar sanalishgan.
"Paxtakor" futbol klubi jamoa shakllanishiga katta hissa qo'shgan insonlarni hurmat qiladi, ularni yodga oladi va qadrlaydi!, - deyiladi "Paxtakor" matbuot xizmati xabarida.
Bosh sahifaga
1865