Surxondaryo viloyati hokimi Erkinjon Turdimov boshchiligida navbatdan tashqari yig'ilish o'tkazildi. Unda viloyat futbol federaciyasi rahbariyati, «Surxon» futbol klubi azolari ishtirok etdi.
Yig'ilishning kun tartibidan o'rin olgan asosiy masala, «Surxon» jamoasiga yangi rahbar tayinlash va jamoaning yangi mavsumga munosib tayyorgarlik ko'rishi bo'ldi.
Avval xabar berganimizdek, bungacha jamoa boshlig'i sifatida ishlab kelgan Erkin Xolboboev istefoga chiqarildi. Endilikda ushbu lavozimda Xayrulla Nurullaev faoliyat olib boradigan bo'ldi.
2017 yilgi mavsumda jamoa natijalariga masul bo'lib kelgan bosh murabbiy Sergey Kovshov kelgusida Quvasoyning «Cementchi» jamoasida ishlashga qaror qildi.
SHunday ekan endilikda «Surxon»ga yangi bosh murabbiy tayinlanadi. Xo'sh, bu borada rahbariyat qaysi nomzodda to'xtaladi?
Aytishlaricha, hozirda termizliklar Vali Keldiev va Abdusamad Do'rmonov bilan muzokara o'tkazmoqda. Keldiev Haqqulobodning «Norin» jamoasini boshqarib kelayotgandi.
Bugun uning jamoasi o'quv-yig'in mashg'ulotlarini boshlaydi. SHuning uchun haqqulobodliklar Keldievni kutmoqda. Do'rmonov esa so'nggi bor, Farg'onaning «Neftchi» jamoasida yordamchi murabbiy sifatida ishlagandi.
Ammo surxondaryolik ishqibozlar boshqaruv postiga «So'g'diyona»ning sobiq murabbiyi Davron Fayzievni kelishini istamoqda.
Ko'ramiz, yangi rahbariyat qaysi murabbiyning nomzodida to'xtalar ekan?
Bosh sahifaga
1937