Umid Ahmadjonov shu kungacha bajargan, ammo futbolda ko'rinmaydigan holatlarni yod olsak:
1. Qaysi yoshdagi terma jamoa bo'lmasin, yaxshi mehmonxonalarda istiqomat qila boshlashdi. Bu o'z navbatida futbolchilarga bo'lgan munosabatni o'sganligini ko'rsatib turgan edi. Bu 100% O'zbekiston yoshlar terma jamoasi natijasini o'zgartirib yubormagan bo'lsada, ammo murabbiy va futbolchilarning kayfiyatiga ijobiy tasir o'tkazgandi.
2. Bolalar futboli yo'lida ko'plab festivallar o'tkazish loyihasi ishlab chiqarildi. Ularning aksariyati viloyatlarda bo'lib o'tishi uchun taqvim taqdim etildi. SHu bilan bir qatorda viloyat futbol federaciyalari o'rtasida keng ko'lamda ish olib borildi.
3. "Oltin Vodiy" loyihasi ishlab chiqildi. Bu borada Farg'ona viloyatida katta yig'ilish ham bo'lib o'tdi.
4. Yoshi kichraytirilgan futbolchilar uchun kurash boshlandi. Bu kabi illatlarni oldini olish uchun maxsus ishchi guruh tuzildi.
5. Bir qator xorij federaciyalari bilan yaqindan hamkorlik memorandumlari tuzildi. Ular orasida, Ispaniya, Franciya, Yaponiya va Janubiy Koreya kabi futboli rivojlangan federaciyalarni ko'rsatishimiz mumkin.
6. O'zbekistonga xorijlik mutaxassislarni kelishi boshladi.
7. Eng muhimi, O'zbekiston terma jamoasi Marokash kabi qitada o'z o'rniga ega davlatlar bilan o'rtoqlik uchrashuvlarini o'tkazish bo'yicha shartnoma imzolay oldi, shu jumladan Eron bilan.
Endi o'rinli savol tug'iladi, Umid Ahmadjonovning shuncha loyihalari nima bo'ladi? Bizga malum bo'lishicha O'FAning bugungi Prezidenti Achilbay Ramatovning futboldagi asosiy yordamchisi aynan Umid Ahmadjanov bo'ladi. O'FAning jamoasi ishlab chiqayotgan loyihalariga, bugun Achilbay Jumaniyozovich aytganidek pul bilan muammo bo'lmaydi. Faqat PFL strukturasi to'g'irlab olinsa bo'lgani.
O'FA rahbariyatiga davlat odamini kelishi yaxshi. Bu superliga klublarini yanada sergak torttiradi. Ayniqsa bugungi gaplardan keyin. Endi kallani bir erga qo'yib ishlamasa, keyingi 4 yilda futboldagi pullarni yo'qotib qo'yishimiz mumkin. Futbolku bo'laveradi, ammo o'z-o'zidan keladigan pullarni ko'rmaymiz. Achilbay Jumaniyozovich, davlatimiz Prezidentining gaplarini etkazar ekan, shunday dedi: "Futbolni yo joyiga qo'yaylik, yoki to'xtataylik". Haqiqatdan ham davlatimiz ajratayotgan milliardlarni havoga sovirayotgan ishyoqmas tanbal dangasa futbol rahbarchalari ko'payib ketdi. Ularni ichida qanchalab milliardlarimiz "otkat" bo'layotganini kichik doira yaxshi biladi. Biz bilgan axborotni, aniqki hukumat ham biladi. Mana shunday davlat odamini futbol tepasiga kelishi, o'g'rilarga jiddiy ogohlik qo'ng'irog'i bo'ldi. Endi Ahmadjonovni oldida davlat odami bor va u O'FAda erkin ijod qila oladi. Buni foydasini yaqin yillar ichida ko'rsak bo'ladi.
Bosh sahifaga
188