Rossiyalik darvozabon Ilya Gavrilov va o'tgan mavsumni “Paxtakor”da o'tkazgan hujumkor yarim himoyachi Behruz Sadillaevlar shular jumlasidandir.
Gavrilov 2017 yilgi mavsumni Volgogradning “Rotor” klubida o'tkazgan. Ushbu futbolchilar "Navbahor"da ko'rikdan o'tishmoqda. Ularning xatti-harakatlari murabbiylarga manzur bo'lsa “Navbahor” azosiga aylanishlari mumkin.
Oldinroq Namangan klubi mashg'ulotlariga qo'shilgan rossiyalik futbolchi Acamaz Buraevga esa javob berildi.
SHu o'rinda, “Navbahor”ga futbolchilarni jalb etish borasida muzokaralarni davom etayotganligini qo'shimcha qilish joiz.
Bugun Toshkent yig'inida navbatdagi nazorat uchrashuvida "lochinlar" “So'g'diyona” bilan kuch sinashdi. O'yinning birinchi bo'limida darvozalarga gol kiritilmagan bo'lsa tanaffusdan keyin tomonlar bir martadan muvaffaqiyat qozonishdi. Dastlab, Doniyor Odilov jizzaxliklarni oldinga olib chiqqan bo'lsa keyinchalik Azizbek Turg'unboev hisobni tenglashtirdi.
Uchrashuv davomida futbolchilarimiz gol urish uchun ko'plab imkoniyatlarga ega bo'lishsada, vaziyatlarni golga aylantira olishmadi.
"Navbahor" uchrashuvni quyidagi tarkibda o'tkazdi: Ilya Gavrilov, Avazbek Mamatxo'jaev, Mirzohid G'ofurov, Jahongir Mehmonov, Darko Stanoevich, Azam Aliev, Dilshod Jabborov, Oybek Qilichev, Ayubxon No'monov, Azizbek Turg'unboev, Behruz Sadillaev.
Zaxiradan maydonga tushganlar: Zohir Pirimov, Ilhom Boydedaev, Oston O'runov, Yannis Linda, SHohzamon Hayrullaev.
“So'g'diyona”ga qarshi uchrashuvda Dilshod SHarofiddinov va Azamat Allaniyozovda kichik jarohat borligi sababli maydonga tusha olishmadi. Jamoa navbatdagi nazorat o'yinini 31 yanvar kuni “Andijon” jamoasiga qarshi o'tkazadi.
Bosh sahifaga
1264
27 Fevral 2023, 16:50