Bugun Osiyo chempionlarini kutib olamiz, tayyorgarlik jiddiy

O'zbek futbolida ham yangi sahifa ochildi. Yoshlarimiz yashil maydonda o'z so'zini aytdi.

O'zbekiston U23 terma jamoasi Xitoyda o'tkazilgan Osiyo chempionatida g'olib bo'ldi. O'zbek xalqining yoshu qarisi ushbu xushxabardan osmon qadar quvondi.

Bugun ular Toshkent vaqti bilan 23:50da Toshkentga etib kelishadi. Davlat va nodavlat tashkilotlari vakillari, el ardog'idagi sanatkorlar, deyarli barcha barcha OAV vositalari, Yoshlar ittifoqi faollari jam bo'ladigan hayajonli daqiqalarga guvoh bo'ling.

Sizni yosh chempionlarimizni kutib olish marosimiga taklif etamiz!

Kutib olish joyi — Islom Karimov nomidagi Toshkent xalqaro aeroporti.

Keyin ular «O'zbekiston» mehmonxonasida shaxsan O'zbekiston Respublikasi Prezidenti SHavkat Mirziyoevning topshirig'i bilan taqdirlanadi.

Bugun bizda vatanparvarlik, milliy g'urur bayrami! Albatta, keling! Yoshlarimizning g'alabasini birgalikda olqishlaymiz!

Malum bo'lishicha, soat 00.00 da ular chiqqan avtobus Aeroport terminal-3 (mahalliy),  Bobur, Nukus, Afrosiyob, SH.Rashidov, Navoiy ko'chasi hamda A.Temur aylanmasi va O'zbekiston mehmonxonasi bo'ylab harakatlanadi!