Bugun milliy olimpiya qo'mitasi binosida futzalchilarimizni kuzatish marosimi o'tkazildi. Tadbirda MOQ va O'FA rahbariyati, O'zbekiston futzal terma jamoasi azolari, Xitoydagi Osiyo chempionatida g'oliblikni qo'lga kiritgan bir necha futbolchilarimiz qatnashdilar.
"Kuni kecha O'zbekiston yoshlar terma jamoasi Xitoydagi musobaqada chempionlikni qo'lga kiritib, o'zbek xalqiga bir olam quvonch bag'ishladi. Ular muxlislarga ishonchini qaytarib berdilar. Siz futzalchilarimizga ularning yo'lini tilab qolamiz. Nima yordam kerak bo'lsa bemalol aytinglar. Barcha sharoitni yaratib beramiz. CHempion bo'lib qaytinglar. Sizlarni ham huddi yosh futbolchilarimiz singari mukofotlar kutib turibdi. Yoshlarimizning g'alabasini xalq bayram qilmoqda. Nima yordam kerak bo'lsa bunga tayyormiz. Ortingizda 33 millionlik o'zbek xalqi, mamlakat prezidenti, biz turganimizni esdan chiqarmanglar", - dedi Milliy Olimpiya qo'mitasi prezidenti va O'zbekiston futbol federaciyasining birinchi vice-prezidenti Umid Ahmadjonov.
SHundan so'ng, futzal terma jamoamiz ustozi yigitlarning musobaqaga tayyor ekanliklarini malum qildi.
"Musobaqaga tayyorgarlik alo darajada o'tdi. Yigitlar turnirga tayyorlar. Qo'limizdan kelganicha yuqori natija qayd etamiz", - dedi Bahodir Ahmedov.
Umid Ahmadjonov yig'ilish davomida futzalchilarimiz oldiga chempionlik vazifasini qo'ydi. Tadbir so'ngida O'zbekiston olimpiya terma jamoasi azolari Umid Ahmadjonovga esdalik sifatida Osiyo chempionatining oltin medalini taqdim etdilar. Undan tashqari, jamoa azolari davlatimiz rahbari SHavkat Mirziyoev uchun atalgan maxsus sovg'ani ham MOQ rahbariga topshirdilar.
Bosh sahifaga
207
