“Zomin” futbolchilari oliy liga klublarida qiziqish uyg'otmoqda

Ishqibozlar yaxshi bilsa kerak, zominliklar tarkibida bu yil o'z vaqtida yoshlar va o'smirlar terma jamoalarida o'ynagan futbolchilar to'p tepdi. Xususan darvozabon SHoxruh Eshbo'taev, himoyachilar Asiljon Mansurov va Azamat Abdullaev. Bu yil o'zini ko'rsatishga erishgan yana bir qator mahalliy futbolchilarga oliy liganing ayrim klublaridan taklif bo'lgan. Jumladan iqtidorli posbon Eshbo'taevga “Mashal” jiddiy qiziqish bildirgani xususida malumot oldik. Bizningcha “gazchilar” darvozaboni Sanjar Quvvatov keyingi faoliyatini Malayziyada davom ettiradigan bo'lsa, u xolda katta extimol bilan SHoxruh “Mashal” bilan shartnoma imzolaydi.
SHuningdek Azamat Abdullaev ham oliy liga jamoasi yig'iniga borib o'zini sinab ko'rishi haqida murabbiylarni ogohlantirgan. Islombek Biyto'raev bilan Sardor Inomjonov esa “Metallurg”ga ko'rikdan o'tish uchun boradigan bo'lyapti.

“Zomin” bosh murabbiyi Asqar Umarovning aytishicha, jamoa ayni damda tatilda. Keyingi mavsum rejalari aniq emas. Yanvar oyining ikkinchi yarmidan tayyorgarlik boshlanishi kutilmoqda.