- Bu kabi o'yindan keyin gapirish oson emas. Hisob juda uyatli bo'ldi. Tablodagi 5:1 hisobi biz uchun juda og'ir zarba. "Nasaf"ni esa ajoyib g'alaba bilan tabriklayman. Ular bugun haqli ravishda muvaffaqiyat qozonishdi.
Ob-havo yoki boshqa sabablarni bahona qilmoqchi emasman. Biz raqib bilan bir xil sharoitda o'ynadik. Gollarni dastlabki ikkatasi standart vaziyatidan keyin kiritildi. Uchinchi gol esa fantastik tarzda bo'ldi. Keyin penalti va avtogol. Demak biz o'tkazib yuborilgan gollarda qaerdadir xatoga yo'l qo'ydik. Lekin shuni aytishim mumkinki, biz bu kabi sharmandali tarzda yutqazishga loyiq emasdik. "Nasaf" esa g'alabaga munosib o'ynadi va haqli tarzda OCHL guruh bosqichiga yo'l chiqdi. Yana qaytarib o'taman, har bir o'tkazib yuborilgan gollar alohida vaziyat.
"Nasaf" ajoyib jamoa. Bejizga bu jamoa O'zbekistonning sovrindori hisoblanmaydi. Qarshiliklar sifatli tarkib yig'ishga muvaffaq bo'lishgan. Dragan CHeran ajoyib hujumchi, haqiqiy to'purar. SHuningdek, bu jamoa safiga kuni kecha to'rt nafar Osiyo chempionlari kelib qo'shilishdi.
SHuni qayd etib o'tish kerakki, o'z vaqtida "Nasaf"da o'ynagan Ivan Boshkovich hamda Dragan CHeran meni qo'l ostimda harakat qilgan. SHu boisdan ham bu jamoa haqida kerakli malumotlarga egaman.
Bosh sahifaga
1317