• JCH-2018ning 7ta o'yini, shu bilan birga ochilish va yopilish marosimi ham “Lujniki” stadionida bo'lib o'tadi.
• To'rt yillik qayta tamirlash ishlaridan so'ng, xozirda 80 ming tomoshabin stadionga tashrif buyurishi mumkin.
Ana-mana deguncha Jahon CHempionati boshlanishiga ham to'rt oygina vaqt qoldi. Nafaqat 32 jamoa, balki millionlab futbol ishqibozlari bu onlarni intiqlik bilan kutmoqda. Bugun uchrashuv olib boriladigan maydonlardan biri haqida suhbatlashamiz. Ha, bu siz bilgan o'sha “Lujniki” stadioni.
O'yinlar
“Lujniki”ni mundial bo'lib o'tadigan asosiy maydonlardan biri deya etirof etish mumkin. Bu erda turnirning ochilish marosimi hamda o'yini, guruh bosqichidagi uchta o'yin, 1/8 final o'yini, yarim final va final bellashuvlari bo'lib o'tadi.
Imkoniyatlari
Jahon CHempionatigacha tamirlangan “Lujniki” stadioniga endilikda 80 000 tomoshabin kelishi mumkin. To'rt yil davom etgan qayta qurilish ishlarigacha, stadion 78 000 odam uchun mo'ljallangan edi. 1950-1960 yillarda esa SSSR termasining o'yinlari “Lenin” nomidagi markaziy stadionda (“Lujniki”ning avvalgi nomi) o'tkazilar edi. Stadion sig'imi 100 000 tomoshabinga mo'ljallangandi.
Joylashishi
“Lujniki” tabiatning go'zal manzaralari jo bo'lgan maskanda, 180 gektardan ortiq hududni egallagan Olimpiya kompleksi hududida joylashgan. 10 mingdan ortiq moskvaliklar sportning bir necha turi bilan aynan “Lujniki” stadionida shug'ullanishadi. Bu joy hozirgi kunda oilaviy sayr va dam olish uchun ajoyib joy hisoblanadi.
Bilasizmi?
2013 yil yozda engil atletika bo'yicha jahon chempionti tugaganidan so'ng, arenaning qayta qurilish ishlari boshlangan. Tamir jarayonida stadion faqatgina futbol uchun moslashtirildi: yugurish yo'lakchalari olib tashlandi, tomoshabinlarga halaqit qiladigan ustunlar olib tashlandi. Stadion tomida ham o'yinni kuzatish uchun barcha sharoitlar yaratildi.
Dastlabki o'yinlar
Yangi “Lujniki”dagi birinchi o'yin 2017 yilning 11 noyabr kunida bo'lib o'tgan. O'sha kuni Argentina jamoasi Rossiya termasi bilan bahs olib bordi. O'yin argentinaliklarning 1:0 hisobidagi g'alabasi bilan yakunlangan edi. Navbatdagi uchrashuv 23 mart kuni Rossiya termasi va Janubiy Amerikaning boshqa bir grandi — Braziliya termalari o'rtasida bo'lib o'tishi rejalashtirilgan.
Meros
“Lujniki” doim mamlakatning asosiy arenasi bo'lib kelgan. Milliy terma jamoa mehmonlarni asosan shu stadionda kutib oladi. JCH-2018dan so'ng, stadion o'z maqomini saqlab qoladi deb umid qilamiz.
Nozima Zaripova tarjima qildi
Bosh sahifaga
243
