Jamoa tarkibida o'zgarishlar mavjud. Malumotlarga ko'ra, bugun "ajdarlar" yaqindagina "Nasaf" bilan xayrlashgan Saydullo Rahmatovni yana ortga qaytardi. Orada AGMK bilan Turkiyada yig'in o'tkazib qaytgan chap qanot himoyachisi bugun qarshiliklar bilan shartnoma imzolagan.
Ro'ziqul Berdiev chap qanot himoyasi yuzaga kelgan muammoni sobiq futbolchisi bilan yopishga urinib ko'radigan bo'ldi. SHuningdek, jamoa selekciya ishlarini davom ettirmoqda. Jamoa bosh murabbiyi "Al Faysali"ga qarshi o'yindan keyin uchta chiziq bo'yicha futbolchi kerakligini takidlagandi. CHap qanot himoyasidan tashqari "Nasaf"ga yana markaziy yarim himoyachi hamda hujumchi zarur. Tez orada bu chiziqlar bo'yicha ham yangi futbolchilar paydo bo'lib qolish ehtimoli mavjud.
"Nasaf" jamoasi "Persepolis"ga qarshi o'yinga taraddud ko'rish doirasida 6-7 fevral kunlari Qarshida "SHo'rtan" hamda "Dinamo" jamoalari bilan nazorat uchrashuvi o'tkazishi ko'zda tutilgan.
Eslatib o'tamiz, 13 fevral kuni "Nasaf" jamoasi OCHL guruh bosqichi doirasida "Persepolis"ga qarshi Eronda bahs yuritadi. Qarshiliklar 11 fevral kuni erta tongda Toshkentdan Eronga Turkiya orqali yo'l olishadi.
Bosh sahifaga
115