Ana shu memorandum asosida yurtimizdagi Oliy talim muassasalari o'rtasida futbol bo'yicha “O'zbekiston futbol Associaciyasi Kubogi” musobaqalarini o'tkazish Nizomi tasdiqlandi.
Mazkur musobaqani o'tkazishdan asosiy maqsad yoshlarni manaviy boy va jismonan sog'lom etib tarbiyalash, ularning bo'sh vaqtlarini mazmunli o'tishini taminlash, yoshlarni sog'lomlashtirish uchun futbol o'yinlariga jalb etishdan iborat.
«O'FA Kubogi» musobaqasi 3 bosqichda o'tkazilib, yakunda g'olib aniqlanadi va musobaqa tashkilotchilari tomonidan taqdirlanadi.
«O'FA Kubogi»ning 1-bosqichi shu yilning mart oyida boshlanib, unda hududlarda joylashgan Oliy o'quv yurtlari futbol jamoalari uy-mehmon tizimida bahs olib borishadi.
2-bosqich aprel, may, iyun, sentyabr oylarida Namangan, Samarqand, Urganch, Toshkent shaharlarida o'tkaziladi. 2-bosqichda hududlardagi 1-bosqich g'oliblari o'zaro kurashishadi.
3-bosqich final bosqichi hisoblanib, bunda 2-bosqich g'oliblari Toshkentda kurash olib borishadi va yaknuda g'olib aniqlanadi.
Bosh sahifaga
232
