“B” guruhi 3-turida o'zbekistonlik futzalchilar Yaponiya termasiga qarshi bahs olib boradi.
Ertaga, 5 fevral kuni o'tkaziladigan ushbu uchrashuv oldidan Osiyo chempionatida ilk bor ishtirok etayotgan O'zbekiston terma jamoasi azosi Ilhom Hamroev o'z fikrlari bilan o'rtoqlashdi.
“Ertangi bellashuv oson kechmasligini bilamiz, Yaponiya tajribali hisoblanadi. Ammo bo'lajak o'yinda bor kuchimizni berib o'ynaymiz va g'alaba qozonib, guruhda 1-o'rinni qo'lga kiritishimizga ishonamiz. Tayyorgarlik jarayonlari alo darajada o'tmoqda. Jamoaning ichki muhiti ham juda yaxshi. Biz ertangi o'yinga tayyormiz, – dedi Ilhom Hamroev.
Janubiy Koreyaga qarshi birinchi tur o'yinida Osiyo chempionatidagi debyut uchrashuvingizni o'tkazib, gol kiritish uddasidan chiqdingiz. Taassurotlaringiz haqida so'zlab bersangiz.
“Janubiy Koreya bilan bahs biz kutgandek qiyin o'tmadi. O'yin davomida ustunlikka ega bo'lib, to'pni nazorat qildik. Albatta, Osiyo chempionatidagi debyut o'yinimda gol urganimdan xursandman. Ammo asosiy vazifa – jamoaning g'alabasiga doimo hissa qo'shishdan iborat”, – deya o'z taassurotlari bilan o'rtoqlashdi yosh va mahoratli futzalchi.
Malumot uchun, Ilhom Hamroev 1997 yil 25 sentyabr kuni Buxoro viloyati, Kogon shahrida tavallud topgan. Futzal bilan 2013 yildan boshlab professional tarzda shug'ullanib keladi. Ilhom Hamroev 2017 yili Tailandda bo'lib o'tgan U-20 Osiyo chempionatida O'zbekiston yoshlar termasi sardori bo'lgan. Mazkur musobaqada yosh futzalchi 4 ta gol kiritishga muvaffaq bo'lgan edi.
Bosh sahifaga
191
