O'zbekiston terma jamoasi guruh bosqichida 2ta uchrashuvda g'alaba qozondi. Vakillarimiz ertaga guruhning 3-turidan o'rin olgan Yaponiya terma jamoasiga qarshi bahs olib boradi. Ushbu uchrashuvdan oldin terma jamoamiz vakili Davron CHoriev o'z fikrlarini bildirib o'tdi.
"Avvalambor qo'lga kiritilgan ikkita g'alaba bilan barchani tabriklayman. Birinchi turda Janubiy Koreyani yirik hisobda mag'lubiyatga uchratdik. Har doim birinchi o'yinga ko'p narsa bog'liq. Tojikiston terma jamoasiga qarshi bo'lib o'tgan bahs ham oson bo'lmadi. Asosiysi kerakli natijani qo'lga kiritdik. Maqsadimiz guruhda birinchi o'rinni egallash. Albatta Yaponiya terma jamoasini ham mag'lubiyatga uchratishga harakat qilamiz.
Bizni terma jamoa uchun chempionat alo darajada o'tyapti. Niyatimiz musobaqani shu darajada yakunlash. Yaponiya terma jamoasiga qarshi yaxshi tayyorgarlik ko'rdik. Yaponiyaliklar bilan bo'ladigan o'yin biz uchun har doim katta ahamiyatga ega. Ushbu bahs biz uchun oson bo'lmaydi. Lekin, jamoamizda kayfiyat alo darajada. Muxlislarimiz bizni qo'llab-quvvatlab tursa, albatta g'alaba qozonamiz", - deydi Davron CHoriev
Jahongir Sotvoldiev yozib oldi
Bosh sahifaga
200