Saytimiz xodimi SHahboz Beg'amovning malum qilishicha, Ro'ziqul Berdiev o'z jamoasida "Mashal"ning ikki nafar futbolchisi Humoyun Murtazoev hamda Sardor Abduraimovni ko'rmoqchi.
Bu borada "Nasaf" "Mashal"ga rasman taklif bilan ham chiqqan. Lekin "gazchilar" o'z futbolchilarini "Nasaf"ga qo'yib yuborishmoqchi emas.
Ro'ziqul Berdiev tayanch yarim himoyasidagi raqobatni Sardor Abduraimov bilan kuchaytirishni istamoqda. SHuningdek, "Nasaf" hujum chizig'idagi tanqislikni Humoyun Murtazoev bilan to'ldirmoqchi.
Qayd etib o'tish joiz, bunga qadar chap qanot himoyasidagi muammo sobiq futbolchi Saydullo Rahmatovni ortga qaytarish bilan bartaraf etilgandi. Berdiev aytib o'tgan yana ikkita chiziqqa esa hozircha futbolchilar kelgani yo'q.
"Nasaf"ning "Mashal" bilan olib borgan dastlabki muzokaralari muvaffaqiyatsiz yakunlangan. "Ajdarlar" bu ikki futbolchi bo'yicha yana qaytadan taklif bilan murojaat qilishmoqchi. "Mashal" esa Murtazoev va Abduraimovni Pro-ligada o'ynatmoqchi.
Eslatib o'tamiz, "Nasaf" jamoasi OCHL guruh bosqichidagi dastlabki turni 13 fevral kuni Tehronda "Persepolis"ga qarshi o'tkazadi.
Bosh sahifaga
111
