Toshkent shahar chempionati 2002 - 2005 yillarda tavallud topgan 4 yosh toifasida ochko tizimida o'tkazilinadi. SHuningdek, 2000 va 2001 yillarda tavallud topgan jamoalar uchun U-18 musobaqasi bo'lib o'tadi. Unda oliy hamda birinchi ligada ishtirok etadigan barcha jamoalar qatnashishlari shart bo'ladi.
Bolalar va o'smirlar o'rtasidagi musobaqa yangi bosqichga chiqadi. Endi kuz-bahor tizimiga amal qilinadi. 2018 yil chempioni, 2017 yil yakunlariga ko'ra kuchli oltilikka kirgan jamoalar o'rtasida ikki davralik musobaqada aniqlanadi.
2018 yil chempionligi uchun kurash olib boradigan jamoalar:
2002: "Bunyodkor", "Paxtakor", "Bunyodkor"-B, GFSSHI, ROZSK, "Lokomotiv".
2003: "Paxtakor", "Bunyodkor", "Spartak", BO'SM-16, ROZSK, "Bunyodkor"-B.
2004: "Paxtako"r, "Bunyodkor", ROZSK, BO'SM-16, "Lokomotiv", "Spartak".
2005: "Paxtakor", "Bunyodkor", "Lokomotiv", "Spartak", BO'SM-16, GFSSHI.
Yuqoridagi 6ta jamoa 2 davradan iborat 10ta tur o'yinini o'tkazadi va yakunda Toshkent shahar chempionatining 2018 yilgi g'olibi aniqlanadi.
2017 yil yakunlariga ko'ra 7-12 o'rinni olgan jamoalar va 1-ligadagi barcha jamoalar savatchalarga ajratilgan holda ikkita mintaqaga bo'lingan holda kuchlilar ligasida ishtirok etadilar. Qolgan jamoalar esa 1-ligadagi faoliyatlarini davom ettirib, kuchlilar safiga yo'llanma olish uchun kurash olib boradilar.
2018 yildan etiboran, endi har bir jamoa, boshqa yoshdagi jamoadoshining natijasidan qatiy nazar o'zi oliy liga va birinchi ligadagi holatiga oydinlik kirita oladi.
Toshkent shahar chempionatida ishtirok etish istagida bo'lgan klublar Toshkent shahar federaciyasining musobaqalar o'tkazish bo'limiga 15 fevral kuniga qadar uchrashishlari va qatnashishlarini tasdiqlashlari lozim bo'ladi.
SHuningdek, 2000 va 2001 yilda tavallud topgan futbolchilar uchun U-18 musobaqasi start oladi.
Toshkent shahar futbol federaciyasi matbuot-xizmati
Bosh sahifaga
165