Bu esa endigi musobaqalarni yanada sifatli o'tkazilishiga asos bo'ladi. "Chacha Navruz Cup" festivali 24-27 mart kunlari "Bunyodkor" futbol akademiyasi maydonlarida bo'lib o'tadi. Ikkinchi marotaba o'tkazilinadigan musobaqada bu yil 56ta jamoa, 850 nafar yosh futbolchi va 100 nafarga yaqin murabbiy qatnashadi. Bu O'zbekiston tarixidagi eng yirik musobaqa bo'lib, shu kungacha hali bunchalik ko'p ishtirokchi etgan jamoa va futbolchilar musobaqasi yurtimizda bo'lmagan.
Unda 2006-2010 yillarda tavallud topgan futbolchilar qatnashadilar. 2006 yilda tavallud topgan 8ta jamoa kubok g'olibligi uchun bahs olib borsa, 2007, 2008, 2009 va 2010 yillarda tug'ilgan bolakaylar festival ko'rinishidagi musobaqada ishtirok etadilar. Ishtirokchilarning barchasi medal va diplomlar bilan rag'batlantiriladilar.
"SHu kungacha yakka tartibda musobaqalarni o'tkazib kelar edik. Biz musobaqalarni o'tkazishda Evropa andozalaridan foydalanamiz. SHuning uchun ham festivallarimizda ishtirok etish istagida bo'ladigan klublar talaygina. 2017 yilgi "Navro'z Kubogi"da 40ga yaqin jamoa qatnashgandi. Bunisida 56ta. Bu son ketidan quvish emas. Musobaqalarimizni 2014 yil dekabr oyida 4ta jamoa bilan boshlagan edik. 4 yil davomida bosqichma-bosqich uni 56taga olib chiqdik. Bu bilan to'xtamoqchi emasmiz. 2019 yilda shu darajaga chiqishimiz kerakki, unda 100ga yaqin jamoa qatnashishi va ulardan bir nechtasi xorijdan bo'lishi kerak. SHundagina biz skautlarni jalb etishimiz mumkin bo'ladi", - deydi Toshkent shahar futbol federaciyasi birinchi Vice-prezidenti Nodirxo'ja Yuldashev.
Musobaqada ishtirok etish istagida bo'lganlar, quyidagi raqamga murojaat qilishlari mumkin: (+99890) 9540994 (Soat 10:00dan 18:00gacha).
Bosh sahifaga
656