Ravshan Haydarov: "Milliy terma jamoa? Mening bor etiborim U-23 jamoasiga qaratilgan"

Kecha ham saytimizning fikr qoldirish bo'limida deyarli har bir xabar tagiga muxlislar rosa yozishdi: "6 fevral kuni O'zbekiston milliy terma jamoasining yangi bosh murabbiyi elon qilinishi kerak edi. Qani murabbiy? Kim boshqaradi? Berilgan vada nima bo'ldi?"

To'g'ri, kecha O'FA birinchi vice-prezidenti Umid Ahmadjonov chet davlatga uchib ketdi. Lekin hech qanaqa Dubay yoki Eronga emas, balki Milliy olimpiya qo'mitasi rahbari sifatida Janubiy Koreyaning Pxenchyong shahriga yo'l oldi. CHunki u erda navbatdagi qishki Olimpiada o'yinlari bo'lib o'tadi.

Qizig'i, Umid Ahmadjonov "Futbol Ekspress" gazetasiga bergan intervyusida 6 fevral kuni kechki payt BAAga jo'nab ketaman, yangi murabbiy bilan 7 yoki 8 fevralda ko'rishishimiz kerak deb aytib o'tgandi. Ammo endi rejalar o'zgarib qoldi va Ahmadjonov Koreyaga yo'l oldi. Bundan ko'rinib turibdiki, bosh murabbiy masalasi yana ortga surilgan.

Bugun esa boshqa bir xabar tarqaldi. Emishki U-23 Osiyo chempionati chempioni Ravshan Haydarov milliy terma jamoaning vaqtincha bosh murabbiyi etib tayinlanibdi. Bu haqda o'quvchilarimiz tinmay "komment" qoldirmoqda va bizdan anig'ini bilib berishni so'rashyapti. Natijada bu gap qanchalik haqiqatga yaqin ekanligini bilish maqsadida Ravshan Haydarov bilan bog'landik.

Salom-alikdan so'ng Ravshan Akmalovich milliy terma jamoani boshqarish borasida umuman taklif tushmaganini aytib o'tdi:

- "Terma jamoani boshqarish? Menga bu haqda hali hech kim gapirgani yo'q. Buni endi sizdan eshitib turibman. Hozir bor etiborim U-23 terma jamoamizni Osiyo o'yinlariga tayyorlashga qaratilgan. SHu bois boshqa narsani umuman o'ylayotganim yo'q. Bilasiz, 21 va 25 mart kunlari vodiyda Saudiya Arabistoniga qarshi ikkita o'rtoqlik uchrashuvi o'tkazamiz. Men qo'l ostimdagi jamoani shu o'yinlarga tayyorlayman".