SHota Arveladze "Paxtakor" murabbiylar shtabining sobiq azosi, o'zining eski qadrdoni Andrey SHipilov boshchiligidagi "Metallurg"ga qarshi "sherlar"ni maydonga olib tushdi.
Jamoalar dastlab asosiy tarkib bilan 35 daqiqadan ikkita taym o'tkazishdi.
Dastlabki nazorat o'yinida Akmal SHorahmedov tomonidan kiritilgan gol "sherlar"ga g'alaba keltirdi. Jaloliddin Masharipovning qanotdan oshirib bergan to'pini "Paxtakor"ning o'ng qanot himoyachisi darvozaga aniq joylab qo'ydi - 1:0.
SHundan so'ng dastlabki bellashuvda boshqa gol kiritilmadi. "Paxtakor" safiga yangi kelib qo'shilgan portugaliyalik hujumchi "sherlar" tarkibida o'zining norasmiy debyutini o'tkazdi. SHuni qayd etish kerakki, hujumchi mazkur bahsda yaqqol ajralib turmadi. Harakatlaridan Gonsalveshning jismoniy holati hali optimal darajada emas. SHuningdek, unga etarlicha vaziyatlar ham yaratib berilgani yo'q.
O'yin asosan yakkakurashlarga juda boy tarzda kechdi.
Nazorat o'yini.
"Paxtakor" - "Metallurg" 1:0
Bosh hakam: SHerzod Qosimov.
Gol: Akmal SHorahmedov (40)
"Paxtakor": Eldorbek Suyunov, Farruh Sayfiev, Marko Simich, SHerzod Azamov, Akmal SHorahmedov, Rostin Griffits, Dilshod Rahmatullaev, Jaloliddin Masharipov, Jamshid Iskanderov, Tiago Bezerra, Ismoil Gonsalvesh.
"Metallurg": Zafar Safoev, Abror Husinov, Abbos Otaxonov, SHerzod Fayziev, Dilyorbek Ermatov, Islom Isoqjonov, SHahzod SHaymanov, Jasur Hasanov, Alisher Ziyavutdinov, Nodir Mavlonov, Zohid Abdullaev.
Zaxiradan maydonga tushganlar: Doston Tursunov, Muhammad Isaev, Pavel Purishkin.
Ayni paytda jamoalar boshqa tarkib bilan ikkinchi uchrashuvni o'tkazishmoqda.
Bosh sahifaga
367