"Temiryo'lchilar" jamoasiga 1-turda BAAning etakchi klublaridan biri - Abu Dabining "Al Vahda" klubi raqiblik qiladi. Uchrashuv "Lokomotiv" stadionida soat 16:00da boshlanadi.
Mazkur bahs poytaxtimizda milliy chempionat yangi mavsumining ilk o'yini bo'lgani bois uni yuqori saviyada, bayramona kayfiyatda tashkil etish uchun katta tayyorgarlik ko'rilmoqda. SHu kuni "Lokomotiv"ning asl ishqibozlari klubning rasmiy do'konidan sevimli jamoalari atributkalarini xarid qilish imkoniga ega bo'lishadi. "Al Vahda"ga qarshi uchrashuv oldidan stadion hududida "Lokomotiv"ning o'zgacha dizayn asosida qilingan do'koni faoliyatini boshlaydi.
"Lokomotiv" mazkur o'yinga puxta tayyorgarlik olib bordi. Jamoa mavsum oldidan ikkita xorij yig'ini tashkil etdi. Dastlab, dekabr oyida BAAning Dubay shahrida mashg'ulotlar olib borilgan bo'lsa, so'ngra Turkiyaning Belek shahrida ikkinchi o'quv-mashg'ulot yig'ini tashkil etildi. Jamoa yangi mavsum oldidan o'z safiga 7 nafar futbolchi qo'shib oldi. Tarkib sezilarli darajada kuchaytirildi. Klub chempionlar ligasi uchun jami 27 nafar futbolchini ro'yxatdan o'tkazdi. Ularning 4 nafari legioner futbolchilardir.
O'yinni yaponiyalik hakamlar guruhi boshqarib boradi. Bosh hakam – Tojo Minoru. Unga qanotlarda hamyurtlari – Ochi SHinji hamda Takagi Takumi yordam beradi. To'rtinchi hakam vazifasini esa turkmanistonlik CHorimurot Qurbonov bajaradi. Hakamlar nazoratchisi – eronlik Inoyat Masud. O'yinga komissar sifatida Gong konglik CHan Ka CHung tayinlangan.
"Lokomotiv"ning o'zgacha dizayndagi do'koni faoliyatini boshlaydi
/ Kiritdi: BestMaster O'qilgan: 784
Bosh sahifaga
447