Jamshid Saidov: "Bizni elitadan chiqarib yuborishga shoshilmang"

“O'yinimiz yomon chiqmadi. Juda hayajonli uchrashuv guvohiga aylandik. Afsus yana o'sha holat, imkoniyatlarimizdan unumli foydalana olmayapmiz. SHuncha golli vaziyatlarni vujudga keltirib, faqatgina ikkita gol bilan cheklanib qoldik. Futboldagi “sen urmasang, senga urishadi” naqli bugun yana isbotini topishiga oz qoldi. Xudoga shukr, g'alaba qozona oldik, nasib qilsa bu so'nggi g'alaba bo'lib qolmaydi. Futbolchilar endi-endi o'zlariga ishonishni boshlashdi. SHuncha mag'lubiyatlardan so'ng, “Nasaf” bilan durang o'yin oz bo'lsada, futbolchilarni ruhan tetiklashtirdi. Bugungi g'alabadan so'ng o'ylayman-ki, futbolchilarimiz hali bundan-da ko'proq narsalarga qodir ekanliklarini tushunib etishadi. Futbolchilarimiz har bir o'yinga, so'nggi o'yinga tushganday tayyorgarlik ko'rishsa agar hammasi yaxshi bo'ladi. Bugungi o'yin uchun futbolchilarimdan minnatdorman.

Afsus, jamoamiz mana necha yildir-ki, faqat oliy ligada jon saqlash uchun kurashmoqda. Bu achinarli holat. Mendan oldin nimalar ro'y bergani menga qorong'u, nasib qilsa biz shu mavsumda maqsadimizga erishsak, kelasi mavsumda bunaqa holatlar bo'lmasligi, jamoaning faqat yuqori o'rinlar uchun kurashishi uchun qo'limizdan keladigan barcha ishni qilamiz.

Ikkinchi davrada jamoaga taklif etilgan barcha futbolchilardan ko'nglimiz to'lmoqda. Asosiysi, futbolchilarimiz bizga ishonishda davom etishsin, biz esa futbolchilarimizga ishonamiz”-dedi Saidov.

-Edgar Gess agan bugun “Buxoro” hatto durang qayd etsa, birinchi ligaga tushib ketadi degan bo'lar edim dedi. Siz bunga qo'shilasizmi?

-Qisman qo'shilar edim. Lekin, bizni muddatdan oldin elitadan chiqarib borishga shoshilmagan bo'lar edim. Hali 10 ta uchrashuv bor. Biz har bir ochko uchun, har bir qarich futbol maydoni uchun “tish-tirnog'imiz” bilan kurashamiz. Bir qarich joyni jangsiz bermaymiz.

-Sizningcha Sardor Qobuljonov to'pga chiqishga xatoga yo'l qo'ymayaptimi?

-O'yin bor joyda xato bo'ladi. Xatoni biz, zahira o'rindig'ida o'tirib qilmaymiz. O'yin paytida har bir futbolchining xatoga yo'l qo'yishi tabiiy.

-Bugun ikkita legionerlarimiz o'ynashmadi.

-Afsus, Georgiev va Antonyuk bir necha uchrashuvlardan beri jamoaga yordam bera olishmayaptilar. Ularda jarohat bor. Keyingi uchrashuvgacha ular tuzalitb ketishlariga umiz qilyapmiz.

-Mahalliy futbolchilar asosiy tarkibga qachon jalb qilinadi?

-Mahaliy futbolchilarimizdan bugungi kunda Suxrob Nematov va Jamoliddin Ubaydullaev asosiy tarkibdan muqim joy egallab bo'lishdi. Yana ikita umidli futbolchilarimiz Jamshid Hasanov va Nozim Umurov tibbiy ko'rikdan yaqindagina qayta o'tishdi va ularga ruxsat endi berildi. Tabiiy-ki, ular asosiy tarkibga kirishga hali tayyor emas. Barcha yig'inda qatnashib mashq olib borgan pallada, ular davolanish bilan band edilar. Endi sekin-sekin ular ham sport formalarini tiklab, tarkibga qo'shilishadi.

"Buxoro" PFK matbuot kotibi Aziz Salixov yozib oldi