“Neftchi” Toshkentda yig'in o'tkazadi va 4ta o'yinda ishtirok etadi

“Hokim Kubogi” turniri yakunlangandan so'ng futbolchilarimiz Farg'ona shahrida 2 kunlik tibbiy ko'rikdan o'tdilar.

Endilikda Sergey Kovshov bosh murabbiyligidagi farg'onaliklar 10 fevraldan 18 fevralga qadar Toshkent shahrida o'quv-mashg'ulot yig'inlarini olib borishadi. Poytaxtda 4 ta nazorat o'yini o'tkazilishi rejalashtirilgan. O'rtoqlik bahslari taqvimi qo'yidagicha:

12 fevral
“Neftchi” – “Navbahor” (Qibray)

14 fevral
“Metallurg” – “Neftchi ” (Qibray)

15 fevral
“Neftchi” – “Buxoro” (“Bunyokor” SK)

17 fevral
“Neftchi” – “Qizilqum” (Do'stlik SD)

Toshkent yig'ini 18 fevral kuni o'z nihoyasiga etadi va shu kunning o'zida jamoa Farg'ona shahriga qaytadi. Bir kunlik dam olish kunidan so'ng 20 fevral kuni “Neftchi” jamoasi Qirgulida yig'iladi va “Nasaf”ga qarshi 1-turdan o'rin olgan bellashuvga tayyorgarlik ko'rishni davom ettiradi.