SHu munosabat bilan “Qo'qon-1912” futbol klubi rahbariyati, murabbiylar shtabi, futbolchilar, klub va “Markaziy” o'yingoh xodimlari hamda muxlislar nomidan u kishini chin yurakdan tabriklaymiz. U kishiga sihat-salomatlik yangi mavsumda omad tilab qolamiz.
QO'QON FAXRI
Qo'qonlik futbol ishqibozlari terma jamoamizning Jahon chempionati saralash bosqichlaridagi birinchi gol muallifi bo'lgan No'mon Hasanovni o'zgacha bir sharaf bilan tilga olishadi. Qo'qonliklar faxri bo'lgan No'mon Hasanov o'zbek futbolida o'ziga xos nom qozongan mutaxassislardan biri sanaladi.
No'mon Nurmatovich futbolchilik faoliyatida ulkan yutuqlarni qo'lga kiritgan.
Bugungi kunda murabbiy sifatida ishlayotgan No'mon Hasanovning shuhrati futbolchilik faoliyatida mavqeidan kam emas.
O'tgan mavsumda “Qo'qon-1912” jamoasi chinakam kashfiyot bo'ldi. Bunda albatta bosh murabbiymizning hissasi beqiyos.
Yangi mavsum boshlanishi arafasida 47 yoshni qarshi olayotgan mutaxassis oqilona selekciya ishlarini olib borgani natijasida “Qo'qon-1912” jamoasi safiga bir qator tajribali futbolchilar kelib qo'shilishdi.
Bu esa boshlanajak superliga bahslarida ham jamoamiz muxlislar kutgan natijalarini ko'rsata olishiga zamin yaratadi. Jamoamizning g'alabali onlari hali oldinda.
Yana bir bor tug'ilgan kun muborak, hurmatli No'mon Nurmatovich!, - deb yozadi "Qo'qon-1912" klubi rasmiy sayti.
Bosh sahifaga
1172