Bahriddin Vahobovga Hindiston, Tailand va Malayziya jamoalaridan takliflar bor

"Futbol Ekspress" gazetasi xabariga ko'ra futbolchiga Osiyoning bir qator mamlakatlari klublaridan taklif bor.

"Ha, menga Hindiston, Tailand va Malayziya jamoalaridan takliflar bor. Bu borada agentlar menga aytib o'tishdi. Albatta, bunday chorlovlarga befarq emasman. Lekin men tayyor shartnomaga qo'l qo'yish uchun boraman, ko'rikdan o'tish uchun emas. Bu mening talabimdir. O'zimizdan ham takliflar yo'q emas. "Qizilqum" bilan shartnomam tugagan bo'lsa ham hali bu jamoani to'liq tark etganim yo'q. Ular bilan ham albatta gaplashaman. Tez orada barcha masalaga oydinlik kiritamiz", - deydi Vahobov.