Toshkent shahar FF Rossiyaning 1-raqamli bolalar futboli tashkiloti bilan kelishuvga erishdi

Viktor Gorlov boshqaruvidagi kompaniya 1994 yil tuzilgan bo'lib, Rossiya futbol ittifoqi bilan hamkorlikda ishlaydi va uning azosi hisoblanadi. Bugunga kelib DFL, MDH va Boltiqbo'yi hamda Evropaning bir qator davlatlari bilan yaqindan aloqalarni yo'lga qo'ygan. Endi ular orasida O'zbekiston ham bor.

Tashkilot o'zining eng katta musobaqalaridan biri bo'lgan "LokoBOL"ni Markaziy Osiyo saralash o'yinlarini aynan Toshkent shahar futbol federaciyasining taklifiga binoan poytaxtimizda o'tkazadigan bo'ldi. Mazkur turnirda MDH davlatlaridan tashqari, Turkiya, Greciya, Bolgariya, Kipr kabi davlatlardan jamoalar qatnashadilar.

2008 yilda ilk marotaba tashkil qilingan musobaqaning amaldagi g'olibi Turkiyaning "Galatasaroy" jamoasi hisoblanadi. 2018 yilgi musobaqada 2007 yilda tavallud topgan jamoalar to'p tepadilar.

"Musobaqaning saralash o'yinlarini Toshkent qabul qiladigan bo'ldi. Buning uchun qozog'istonlik hamkasbim Aydos Kashkeevga o'z minnatdorchiligimni bildirib o'tishim kerak. Aynan uning yordamida Viktor Gorlov bilan aloqa o'rnatdik. Aprel oyining so'nggida "LokoBOL"ning Toshkent shahridagi saralash o'yinlari bo'lib o'tadi. G'olib jamoa Novosibirsk shahrida bo'lib o'tadigan ikkinchi saralash o'yinlari yo'llanmasini qo'lga kiritadi. U erda ham g'olib chiqilsa Moskvadagi super finalga ega chiqiladi. SHu kungacha "Lokomotiv" Toshkentning 2004 yilda tavallud topgan futbolchilari 2016 yilda super finalda qatnasha olgan edilar. Lekin ular saralash o'yinlarini boshqa davlatlarda o'tkazgan edilar. DFL bilan yo'lga qo'ygan hamkorligimiz orqali O'zbekistonni Markaziy Osiyoning bolalar futbol markazi sifatida tilga tushirtirish istagi yuqori. Endi "Lokomotiv" futbol klubi va O'FA bilan hamkorlikda debyut turnirni yuqori sifatda o'tkazishimiz kerak bo'ladi", - deydi Toshkent shahar futbol federaciyasining birinchi Vice-prezidenti Nodirxo'ja Yuldashev.