Bugun ertalabdan bekobodliklar yana Qibray o'quv-mashg'ulot maskanida to'planishdi va Superliga jamoalari oldiga qo'yilgan asosiy talablardan biri – jismoniy tayyorgarlikni aniqlovchi test-sinovlaridan o'tishdi. O'zbekiston Futbol Associaciyasining Texnik rivojlantirish boshqarmasi ilmiy-metodik guruhi mutaxassislari pedagogika fanlari nomzodi, professor SHamil Iseev boshchiligida to'rtta yo'nalish bo'yicha futbolchilarning holatini nazoratdan o'tkazishdi. 30 metrga yugurish, turgan joydan uzunlikka sakrash, 7x50 metrga yugurish hamda "Yo-Yo" test mashqlarini “Metallurg” futbolchilari ko'tarinki, xushchaqchaq kayfiyatda topshirishdi. Birinchi safargi ko'rikda futbolchilar ayniqsa "Yo-Yo" testida qiyinchilikka duch kelishgandi. Bu safar esa “Metallurg” o'yinchilarining 70 foizdan ziyodrog'ida muammo bo'lmadi. O'z navbatida tekshiruv guruhi vakillari ham jamoaning holati mo'tadillashganini, mavsum boshlanishiga qadar optimal holatga ko'tarilishini takidlashdi. Test-sinovlari yakunlari O'FA metodik markazida tahlil etilgach, bayon etiladi.
“Metallurg” futbolchilari esa ertadan yana ikki mahallik mashg'ulotlar jarayonini davom ettirishadi. O'z navbatida 14 fevralda “Neftchi”, 17 fevralda esa “So'g'diyona” bilan nazorat uchrashuvlarida kuch sinalishini ham aytib o'tmoqchimiz. Ko'rik o'yinlari Qibray bazasi maydonlarida bo'lib o'tadi.
Bosh sahifaga
117