Oliy liga-2015 yakunlari. "Metallurg" haqida
/ Kiritdi: BestMaster O'qilgan: 1147
2015 yilgi mavsumda ishtirok etgan barcha klublar haqida malumot berishni davom ettiramiz.
Bugun Bekobodning "Metallurg" klubi haqida malumot beramiz.
Mavsum
Klub mavsumni o'z maydonida "Lokomotiv" bilan durang bilan boshladi va dastlabki uchta turda umuman mag'lub bo'lmadi. 8-turga kelib jamoa 13-o'ringa tushib ketdi. Keyin Qarshida "Nasaf" taslim qilindi, o'z maydonida "Andijon" tor-mor etildi - 5:1. Davra oxirida "Metallurg" 7-pog'onani band etishdi. CHempionat so'nggida esa Bekobod klubi xuddi o'tgan yildagi kabi 9-o'rinni egalladi.
Murabbiylar
Jamoaning uzoq yillik ustozi Rustam Mirsodiqov 23-turga qadar bosh murabbiylik qildi. "Paxtakor" bilan o'yindan so'ng O'FF tajribali murabbiyning licenziyasini qaytarib oldi. Mavsum oxirigacha jamoani SHavkat Saidov boshqardi.
Etakchi
Oxirgi yillarda "Metallurg" deganda Hikmat Hoshimov ko'z oldimizga keladigan bo'lib qoldi. Tajribali himoyachi bu yil ham jamoaning asosiy futbolchisi bo'ldi. Hoshimov 2015 yilgi oliy ligada barcha o'yinlarda to'liq o'ynagan ikki futbolchidan biri bo'ldi. U 30ta o'yinning barchasida to'liq (2700 daqiqa) harakat qildi. Hikmat Hoshimov keyingi yil ham "Metallurg"da yoshlarga bosh bo'lishi kutilmoqda.
Kashfiyot
Saidjon Abdujabborov. 1992 yilda tug'ilgan yarim himoyachi o'tgan yil oliy ligada faqat bitta o'yinda ishtirok etgandi. Bu yil esa 24ta o'yinda maydonga tushib raqiblar darvozasiga 7ta gol urishga muvaffaq bo'ldi. "Qo'qon-1912" va "Olmaliq"qa qarshi o'yinlarda dublga erishgan futbolchi nafaqat klub safida balki oliy liganing o'zida ham kashfiyotlardan biri bo'ldi.
Eng yaxshi o'yin
"Metallurg" - "Andijon" 5:1
Bekobod klubi mavsumdagi eng yirik g'alabani "Andijon" bilan o'yinda qo'lga kiritdi. 10-turdan o'rin olgan uchrashuvda Murodjon Toshmatov va SHahzodbek Nurmatov dublga erishgandi. "Burgutlar" darvozasiga kiritilgan yana bir to'pga Saidjon Abdujabborov mualliflik qilgan. "Andijon" safida Lochin Soliev penaltidan yagona javob golini urgandi - 5:1.
Eng yaxshi futbolchi
SHahzodbek Nurmatov. Keyingi yilni boshqa klubda o'tkazishi mumkin bo'lgan hujumchi so'nggi yillarda muntazam ravishda "Metallurg"ning to'purari bo'lib kelmoqda. Bu yil Nurmatov 26ta o'yinda maydonga tushib 10ta gol urishga erishdi. Hujumchi "Andijon", "Qizilqum" va "Navbahor"ga qarshi bahslarda dublga erishdi.
Kim qancha o'ynadi?
| Futbolchi | Amplua | Tug'.sana | O'yin | Daqiqa | Gol | SK | QK |
| Hoshimov Hikmat | Him | 12.11.1979 | 30 | 2700 | 0 | 1 | 0 |
| Odilov Doniyor | Him | 16.02.1989 | 28 | 2312 | 0 | 6 | 1 |
| Karimqulov Davron | Him | 13.03.1981 | 27 | 2423 | 0 | 2 | 0 |
| Toshmatov Murodjon | Him | 21.06.1991 | 27 | 2105 | 4 | 2 | 0 |
| Sulaymonov Mirg'iyos | Yahm | 02.01.1991 | 26 | 2334 | 2 | 10 | 0 |
| Nurmatov SHahzodbek | Huj | 18.09.1991 | 26 | 2221 | 10 | 3 | 0 |
| Ziyovuddinov Alisher | Yahm | 27.06.1992 | 26 | 1443 | 2 | 4 | 0 |
| Vagapov Ruslan | Yahm | 22.01.1980 | 24 | 1990 | 3 | 4 | 0 |
| Abdujabborov Saidjon | Yahm | 08.07.1992 | 24 | 1775 | 7 | 3 | 0 |
| Karimov Dilmurod | Yahm | 27.06.1989 | 23 | 1310 | 3 | 8 | 0 |
| No'monov Ayubxon | Huj | 22.07.1991 | 21 | 1819 | 7 | 6 | 0 |
| Mirabdullaev Javlon | Him | 19.03.1994 | 20 | 1735 | 0 | 8 | 0 |
| Safoev Zafar | Dar | 24.06.1991 | 17 | 1530 | 0 | 0 | 0 |
| Kovalev Aleksandr | Him | 24.09.1986 | 16 | 1069 | 0 | 1 | 0 |
| Norbekov SHoxnazar | Huj | 18.07.1994 | 16 | 833 | 2 | 2 | 0 |
| Sultonov Suxrob | Dar | 26.03.1990 | 13 | 1170 | 0 | 0 | 0 |
| Abdullaev Zohid | Huj | 25.05.1984 | 11 | 235 | 1 | 1 | 0 |
| Akbarov Mirto'ra | Huj | 30.09.1989 | 9 | 256 | 1 | 0 | 0 |
| Rasulov Sardor | Huj | 05.09.1989 | 9 | 244 | 1 | 0 | 0 |
| Esonov Nozimjon | Him | 23.02.1987 | 3 | 187 | 0 | 0 | 0 |
* - birinchi davradan so'ng jamoani tark etganlar.
** - ikkinchi davrada jamoaga kelganlar
"Metallurg-2015" mavsum statistikasi
| O'yinlar | 30 |
| Gollar | 44 |
| Uydagi gollar | 27 (61,36%) |
| Mehmondagi gollar | 17 (38,64%) |
| O'tkazilgan gollar | 38 |
| Uyda o'tkazilgan gollar | 21 (55,26%) |
| Mehmonda o'tkazilgan gollar | 17 (44,74%) |
| O'rtacha gol | 1,47 |
| O'rtacha o'tkazilgan gol | 1,27 |
| Uydagi ochkolar | 22/45 (48,89 %) |
| Mehmondagi ochkolar | 14/45 (31,11 %) |
| Eng yirik g'alaba | 5:1 - "Andijon" |
| Eng yirik mag'lubiyat | 2:3 - "Navbahor", "Paxtakor" |
| "Quruq" o'yinlar | 7 (23,33%) |
| Gol ura olmagan o'yinlar | 7 (23,33%) |
| Irodagi g'alaba | 1 |
| Yirik g'alabalar | 3 |
| Yirik mag'lubiyatlar | 0 |
| Avtogol (urilgan/o'tkazilgan) | 1/0 |
| Ogohlantirishlar (o'rtacha) | 61 (2,03) |
| CHetlatishlar (o'rtacha) | 1 (0,03) |
| Maydonga tushganlar (legioner) | 20 (0 - 0%) |
| Tomoshabinlar (jami/o'rtacha) | 81355/2712 |
Oliy liga-2015 yakunlari. "Paxtakor" haqida
Oliy liga-2015 yakunlari. "Lokomotiv" haqida
Oliy liga-2015 yakunlari. "Nasaf" haqida
Oliy liga-2015 yakunlari. "Neftchi" haqida
Oliy liga-2015 yakunlari. "Olmaliq" haqida
Oliy liga-2015 yakunlari. "Mashal" haqida
Oliy liga-2015 yakunlari. "Navbahor" haqida
Narzulla Saydullaev
Bosh sahifaga
1069
5 Fevral 2021, 12:13