Kuni kecha farg'onaliklar Namanganning “Navbahor” jamoasiga qarshi o'rtoqlik bahsida maydonga tushishdi. O'yinda 1:1 hisobi kuzatildi. Bahsni asosiy tarkibda boshlagan “Neftchi” futbolchisi Avazbek O'lmasaliev bellashuv yakunlangadan so'ng klub rasmiy sayti uchun intervyu berdi.
– Bahs juda shiddatli kechdi. O'yinni kuzatar ekansiz, garchi o'rtoqlik o'yini bo'lishiga qaramay chempionat uchrashuvlaridek qizg'in kechdi. Xar doim derbilar qay maqomda o'tkazilmasin shunday yuqori suratda bo'lib o'tadi. O'zim ham yaqinda safga qaytdim. Yosh bo'lishimga qaramay murabbiylar menga ishonch bildirishmoqda. Albatta ularning ishonchini oqlab jamoaga yordam berishni istayman.
– Avazbek, chempionat bahslarida sizni asosan markaziy himoyada ko'rardik. Lekin “Navbahor”ga qarshi o'yinda qanot himoyasida paydo bo'ldingiz. Yangi pozicion chiziqda qiyinchiliklarga duch kelmadingizmi?
– Yo'q. O'yin paytida xar qanday vaziyat yuzaga kelishi mumkin. SHu sabab himoyachi boshqa chiziqlarda ham o'ynashga tayyor turishi kerak. Qanot himoyasida o'ynash men uchun yangilik bo'lmadi, – deydi Avazbek.
Bosh sahifaga
207
