Evropa CHempionlar ligasi chinakamiga start olmoqda. Nihoyat ECHLda pley-off deb nomlanadigan final oldidan finalga aylanadigan dahshatli o'yinlar boshlanmoqda.
Bugun nimchorak final doirasidagi ikkita bahs bo'lib o'tadi.
 Juventus | Champions League Final Stage . 1/8-tur 14/02/2018, 00:45 - : - Boshlanmadi |  Tottenham Hotspur |
Stadion: Allianz Stadium
Bosh hakam: Felix Brych
Dibalaning jarohati tufayli Allegri asosan foydalanib kelgan 4-2-3-1 taktik sxemasini 4-3-3ga almashtirdi. Bugun katta ehtimol "Yuventus" aynan 4-3-3 taktik sxemasiga murojaat qilishi mumkin. Barcalining yo'qligini Allegri Medhi Benatiya bilan to'ldiradi. Dibalani o'rniga esa Bernardeski harakat qilishi mumkin. Blez Matyuidini o'rnini kim egallashi esa biroz bahsli holat. Uslub jihatdan Matyuidiga ko'proq mos keladigan o'yinchi Sturaro hisoblansada, Markizioning "Fiorentina"ga qarshi bahsda ko'rsatgan o'yini Allegrini ikkilantirib qo'yishi mumkin.
"Tottenxem"ning hujumdagi guruhi "Yuventus" bosh murabbiyi Allegriga qo'shimcha muammolar tug'dirishi mumkin. Eriksen, Alli, Son Xyon Min hamda Xarri Keyn "kvarteti" Kellini hamda Benatiyani yaxshigina terlatishi mumkin.
"Tottenxem"ning birinchi bellashuvdagi eng asosiy vazifasi mehmondagi gol. Bugun Pochettino shogirdlari aynan shu golni urishga harakat qilishadi. ECHLda pley-offdagi o'yinlarda ko'p hollarda aynan mehmondagi gol qiymati ko'p narsalarni hal etishi mumkin. "Yuventus" esa aksincha, o'z uyidagi bahsda avvalambor o'z darvozasi dahlsizligi haqida qayg'urishi lozim bo'ladi.
Allegri shuni alohida qayd ettiki, bugungi to'qnashuvda uni 0:0 hisobi mutlaqo qoniqtirmaydi. Demak "Yuventus" nafaqat o'z darvozasini "qulfi"ni ochmasligi, balki raqib mudofaa chizig'ini buzishga alohida etibor qaratadi.
Pochettino va Allegri o'rtasida yaxshigina taktik kurash guvohiga aylanamiz.
Ikkinchi uchrashuv SHveycariyada "Bazel" hamda "Manchester Siti" o'rtasida kechadi.
Basel Champions League Final Stage . 1/8-tur 14/02/2018, 00:45 Manchester City Stadion: St. Jakob Park Bosh hakam: Jonas Eriksson
Vaziyatga real baho beradigan bo'lsak, bu to'qnashuvda favorit jamoa nomi aniq. Lekin futbol favorit yoki autsayder maqomini doim ham maqullamaydi. Futbolda uchraydigan sensaciyalar ushbu sport turiga o'zgacha joziba qo'shib turadi. Aynan shu jihat bu o'yindagi kichik intrigani saqlab turibdi.
"Bazel" bosh murabbiyi Rafael Vikini tarkib borasidagi muammolar bezovta qilmayapti. Gvardiola qo'l ostidagi Leroy Sani, Gabriel Jezus, Fabian Delf hamda Benjamin Mendi ushbu bahsda jarohatlari tufayli ishtirok eta olishmaydi.
Bosh sahifaga
214
