Musobaqa o'tkazish tizimi tubdan yangilandi, futbolchi va murabbiylarga, mutaxassislarga talablar kuchaytirildi. Bolalar va o'smirlar, ayollar futboliga, futzal o'yinlariga etibor yanada oshdi. Bularning bari birinchi navbatda muxlislar uchun, ularning madaniy dam olishlarini, futbolga bo'lgan manaviy ehtiyojlarini qondirish uchun amalga oshirilayotganligi sir emas.
Bugun elon qilingan Superliga-2018 taqvimi ham bundan mustasno emas. Umidjon Ahmadjonov futbol tashkilotiga rahbar etib tayinlanganidan so'ng, amaliy ishlarining dastlabkilaridan biri sifatida Superliga o'yinlarini dam olish kunlariga, ishdan keyingi vaqtlarga belgilashni vada qilgandi. Haqiqatdan ham yangi taqvimda o'yinlar boshlanishi kunini belgilashda asosiy urg'u juma, shanba va yakshanba kunlariga belgilashga qaratildi. Etibor bering, Superliga jamoalari o'rtasidagi chempionatning birinchi bosqichida 12ta jamoa ikki davraviy, 132ta uchrashuv o'tkazadi. SHundan atigi 24tasi hafta boshiga (dushanbada 5ta, seshanbada 8ta va chorshanbada 11ta) to'g'ri kelyapti, qolgan 108ta o'yin haftaning ikkinchi yarmiga rejalashtirilgan. Eng ko'p uchrashuvlar esa shanbaga (38ta) belgilanganligi ham muxlislar taklif va istaklaridan kelib chiqilganidan dalolat beradi.
O'zbekiston Kubogining 1/16 final, yani 32ta o'yini ham aynan yakshanba kunlariga belgilangan, qolgan bosqichlardagi bahslarning aksariyati ham haftaning oxirgi kunlarida o'tkazilishi malum qilingan.
Hozirgi taqvimdan kelib chiqib, ayrim uchrashuvlarning dushanba va seshanba kunlariga belgilanganini ko'rish mumkin. Takidlash joiz, 12ta klub ishtirok etadigan va yangicha formatda o'tadigan o'yinlarni faqat dam olish kunlarining o'ziga belgilash ham amaliy, ham nazariy va ham jismoniy jihatdan to'g'ri kelmaydi.
Qolaversa, mavsum davomida O'zbekistonning ikki klubining OCHL uchrashuvlarida ishtirok etishi, milliy terma jamoaning FIFA kunlari tashkil etadigan rasmiy va norasmiy o'rtoqlik uchrashuvlari bois, mavsum davomida ayrim uchrashuvlari dushanba va seshanba kunlariga to'g'ri kelishi tabiiy hol. Qolaversa, tig'iz taqvim tufayli futbolchilarning jismoniy holatini yaxshilab borish kabi muhim masalalar taqvim tuzish jarayonida mutaxassislar tomonidan hisobga olingan.
Eng muhimi, milliy chempionatimizning asosiy davomiyligi yoz oylariga to'g'ri kelishini inobatga olsak, o'yinlarni 18.00dan oldin boshlamaslik haqidagi band Reglamentga kiritildi. Bundan keyin Superliga o'yinlari kechki 18.00dan oldin boshlanmasligi belgilab qo'yildi.
Demak, bu yildan etiboran muxlislar maydonda kuchli, raqobatbardosh jamoalarning o'yinlarini o'zlari uchun qulay bo'lgan kunda va soatda tomosha qilish imkoniyatiga ega bo'lishmoqda.
Bosh sahifaga
1357