. Unga ko'ra, milliy terma jamoa bosh murabbiylik postiga sobiq futbolchi Timur Kapadze tayinlandi. Kapadzening terma jamoa bosh murabbiyi bo'lishi biz uchun qanchalik foydali? Quyida buni izohlab o'taman.
1. Timur Kapadze O'zbekiston milliy terma jamoasi safida Server Jeparovdan so'ng, 119 uchrashuv o'tkazgan futbolchi bo'lib turibdi. Kapadze futbolchilik faoliyatida ko'plab murabbiylar qo'l ostida mashg'ulot o'tkazgan va ancha tajriba to'plagan. Timur Kapadze futbolchilik faoliyati davomida Yuriy Sarkisyan, Ravshan Haydarov, Xans-Yurgen Gede, Robert Xafton, Valeriy Nepomnyashhiy, Rauf Inileev, Mirjalol Qosimov, Vadim Abramov, Mirko Elichich kabi tajribali murabbiylar qo'l ostida shug'ullangan. Kapadze bunday murabbiylar qo'l ostida mashg'ulot o'tkazib, yaxshigina tajribaga ega bo'lgan. To'plangan tajribalar Timur Kapadzega qo'l kelishi mumkin.
2. O'zbekiston milliy terma jamoasiga xorijdan murabbiy kelishini ko'pchilik futbol muxlislari intizorlik bilan kutishmoqda. Eron milliy terma jamoasi bosh murabbiyi Karlush Keyrush bilan muzokaralar olib borilayotgani OVAda bot-bot chop etilmoqda. Milliy terma jamoaga xorijlik tajribali mutaxassis kelishini intizorlik bilan kutmoqdamiz. Lekin, shuni unitmaslik kerakki, shu yili yoz oyida Rossiyada jahon chempionati bo'lib o'tadi. Eng saviyali murabbiylar ushbu mundialni o'tkazmasdan turib boshqa terma jamoani qo'lga olishini “axmoqona” qaror deb hisoblayman. Meni fikrimcha, Karlush Keyrush ham mundialdan so'ng O'zbekiston MTJ bosh murabbiyi bo'lishga rozi bo'lishi mumkin. Bu meni shaxsiy fikrim. Ayni damda Timur Kapadze O'zbekiston milliy terma jamoasiga vaqtinchalik bosh murabbiy bo'ldi. Bunday qaror ko'pchilik futbol muxlislariga yoqmagan bo'lishi turgan gap. Qachongacha xorijlik murabbiy kelishini kutib yashaymiz? O'zimizdan chiqqan yosh, tajribali murabbiylarga imkoniyat yaratib berishimiz kerak.
3. Birlashgan Arab Amrliklarida 2019 yili Osiyo chempionati bo'lib o'tishidan barchaning xabari bor. Unga qadar yana bir yil bor va o'rtacha hisobda 10ga yaqin o'rtoqlik uchrashuvlari o'tkazish mumkin. Timur Kapadze MTJga vaqtinchalik murabbiy bo'lgani bilan o'zini ko'rsatish uchun yaxshigina imkoniyatga ega bo'ldi. Oldimizda bizni Rossiyada bo'lib o'tadigan mundial ishtirokchisi Marokash va Senegal terma jamoalariga qarshi nazorat uchrashuvi kutib turipti. Kapadze qo'l ostida MTJ mana shu nazorat uchrashuvida g'alaba qozonadigan bo'lsa, unga bo'lgan ishonch yanada ortadi.
4. Timur Kapadzening milliy terma jamoamizga vaqtinchalik bosh murabbiy bo'lishining yana bir foydali tarafi, xorijdan keladigan mutaxassis arzimagan mablag' evaziga kelmaydi. Bu erda hech qanday pul rol o'ynamaydi. O'rtada vatan shani turipti. Milliy terma jamoamizni Timur Kapadze boshqaradimi yoki Karlush Keyrush, biz uchun eng muhimi barchamiz kutgan natijani ko'rsatish.
5. Kapadze futbolchilik faoliyatini yaqinda tugatdi va murabbiylik sohasida ishlashni boshladi. “Lokomotiv” klubi safida yordamchi murabbiy Mirko Elichichdan ko'p narsa o'rgandi. Timur Kapadze OAVga bergan intervyusida “SHuncha yil futbol o'ynadim, ko'p murabbiylar bilan ishladim, shunday ekan yangi ishimda muvaffaqiyat qozonishga umid qilib qolaman”, deya o'z fikrlarini bildirib o'tgandi. MTJga yangi murabbiy kelishi bilan ayrim muxlislar norozilik bildirishadi. Kapadze terma jamoaga vaqtinchalik murabbiy bo'ldi, degan xabardan so'ng, muxlislar tomonidan bildirilayotgan etirozlar ko'payib bormoqda. Kapadze tomon tanqid toshlarini otmaylikda uning yangi ishida muvaffaqiyatlar tilaylik.
Bosh sahifaga
141