Tabiiyki, O'FAning ushbu qarori vodiy xalqini behad quvontirib yubordi. Ayniqsa andijonlik muxlislar uchun haqiqiy bayram bo'ldi. Sababi «Sog'lom avlod» stadionida hozirgacha terma jamoamiz sira o'yin o'tkazmagandi.
Muhtaram yurtboshimiz o'z chiqishlarida har gal eng avvalo xalqning kayfiyatini ko'tarish asosiy vazifalarimizdan biri ekanligini aytib o'tmoqda.
Buning samarasi o'laroq, yaqinda MOQ raisi, O'FA birinchi vice-prezidenti Umid Ahmadjonovning shaxsan o'zi Andijonga tashrifi chog'ida, maxalliy ishqibozlar bilan uchrashib, Andijon xalqining kayfiyati uchun ham terma jamoamiz uchrashuvini aynan bizning viloyatda o'tishiga qaror qilganini takidlagandi. Bu esa Andijon xalqini bexad shod etmay qolmadi.
Ammo, lekin, biroq...
Eshitishimga qaraganda kuni-kecha Andijonga O'FAning maxsus ishchi guruhi tashrif buyurib, shahardagi «Sog'lom avlod» stadionining bugungi xolati bilan yaqindan tanishdi.
Aytishlaricha, stadiondagi jamoalar kiyinish va yuvinish xonasi, talab darajasida emas. Darhaqiqat, shunday. Agarda bu borada kerakli ishlar olib borilmasa, jamoalar uchun sharoitlar yaratilmasa O'zbekiston - Saudiya Arabistoni o'yinini Andijondan olib qo'yib, boshqa viloyatga berib yuborishi ham hech gap emas. SHuning uchun shaxsan o'zimni va minglab andijonlik ashaddiy ishqibozlar nomidan shuni iltimos qilardimki, Andijon viloyati hokimining masul xodimlari, viloyat jismoniy tarbiya va sport boshqarmasi, Andijon viloyat futbol assosiaciyasi, Andijon olimpiya zaxiralari kolleji, «Sog'lom avlod» stadioni, «Andijon» futbol klubi rahbariyati o'z ishiga jiddiy yondoshib, viloyatimizdagi birinchi raqamli stadion bo'lib turgan «Sog'lom avlod» stadionidagi sharoitlarni talab darajasiga keltirilsa maqsadga muvofiq bo'lardi.
Aks xolda, Andijon xalqi terma jamoamizning uy o'yinidan mosuvo bo'lishi turgan gap.
SHuning uchun hamma masul xodimlar bir yoqadan bosh chiqarib, chin ko'ngildan ishlab, stadionimizdagi xolatni ijobiy ko'rinishga keltirib bersa, xalq xursand bo'lardi.
Andijonda 3 200 000 aholi bor, shundan 20 foizi futbolning ashaddiy ishqibozi sanaladi desam, xato bo'lmasa kerak. Albatta Saudiya Arabistonidek Osiyoda o'z nomiga ega bo'lgan terma jamoani viloyatimizga tashrifi biz uchun katta bayram. Ishonchim komilki, viloyatimiz hokimi SH.Q.Abdurahmonov ham bu borada masul shaxslarga kerakli topshiriqlarni beradi va Navro'z bayramiga biz andijonliklarga xaqiqiy bayram qilib beradi.
Bunga javoban andijonlik futbol ishqibozlari ham 25 mart kungi o'yinda muxlislik darajasi qanday bo'lishini barchaga ko'rsatib qo'yadi. Faqat shu kuni Andijonda terma jamoamiz o'ynasa bo'lgani. Haqiqiy jonkuyar muxlislar bizda ekanligi aniq. Xullas stadionni tayyorlash Sizlardan, muxlislik qilish bizdan!!!
Nodirbek To'ychiev
Bosh sahifaga
221