Yig'ilishda O'zbekiston futbol Associaciyasi 1-vice-prezidenti Umid Ahmadjonov, yangi tashkil etilgan Jismoniy tarbiya va sport vaziri SHoakrom Isroilov hamda O'FAning masul xodimlari ishtirok etdi.
Umid Ahmadjonov so'zga chiqar ekan, futbol maktablari rahbarlaridan ayni paytda tayyorlanayotgan mamlakatimizda futbolni rivojlantirishga qaratilgan O'zbekiston Respublikasi Prezidenti Qarori loyihasi uchun takliflar berish zarurligini aytib o'tdi.
Takliflar yurtimizda bolalar futbolini rivojlantirish tizimini yaratishga qaratilishi kerakligini takidlar ekan, Umid Ahmadjonov bu borada futboli rivojlangan Ispaniyadan andoza olish kerakligini ham qo'shimcha qilib o'tdi.
Tizimni yaratishda bolalar futboli bo'yicha har bir jihatga etibor qaratish zarurligi, futbol maktablaridagi tarbiyalanuvchilar soni emas sifati muhimligi, istedodli bolalarni tanlab olish va ularni xorij klublariga tavsiya qilib borish masalalariga alohida urg'u berilishi kerakligi takidlandi.
SHuningdek, mamlakatimizdagi futbol maktablari rahbarlari va xodimlarining faoliyati ham qaytadan tanqidiy ko'rib chiqish zarurligi aytib o'tildi. Bu borada alohida komissiya tashkil qilinib, ish olib borishi bo'yicha ko'rsatma berildi.
Bosh sahifaga
211
