Olimpiada-2018. Figurali uchish bahslarida Misha Ge erkin dasturda chiqish qildi
Misha Gening chiqishidan FOTOGALEREYA
Unda hamyurtimiz Misha Ge ham chiqish qildi. Bugungi erkin dasturdan so'ng hamyurtimiz Qishki Olimpiadadagi ishtiroki yuzasidan bizga intervyu berdi.
- Misha, Olimpiadadagi ishtirokingizdan ko'nglingiz to'ldimi?
- Umumiy olganda ko'nglim to'ldi. Lekin natija bundan ham yaxshiroq bo'lishi kerak edi. Yo'l qo'ygan xatolarim o'zimga ayon. Endi xatolarsiz ishtirok bo'lmaydi. Qisqa dasturda 14-o'rinni egalladim. O'ylashimcha, yomon emas. Endi bor etiborimni ikki haftadan szng boshlanadigan jahon chempionatiga qarataman. Xatolarim ustida ishlab, natijamni Olimpiadadan ko'ra yaxshiroq bo'lishiga harakat qilaman.
- Keyingi Olimpiadachi?
- To'rt yildan so'ng umuman boshqacha vaziyat bo'ladi. Balki, murabbiy yoki xoreograf, balki tashkilotchi bo'larman. Hali bu borada bir to'xtamga kelmadim. Jahon chempionatidan so'ng bu haqda o'ylab ko'raman. Hozir bor etiborimni jahon chempionati tayyorgarligiga qarataman.
- Yaqin kelajakda figurali uchish bo'yicha qaysi o'zbekistonlik sportchiga umid bog'lasak bo'ladi?
- Bugungi kunda figurali uchish bilan ko'plab yoshlar shug'ullanishyapti. Lekin ularning xalqaro maydonda o'sishi uchun zarur sharoitlarni yaratib berish kerak.
- Yosh Elizabeta Tursunboevaning imkoniyatlarini qanday baholaysiz?
- Uning potenicali yuqori. Lekin uning ishtirokini ko'rmaganimga ancha bo'ldi. Hozirgi jismoniy holati qanday, jarohati bormi, agar bo'lsa musobaqalarga tayyorgarlik ko'rish uchun halal bermayaptimi? Bu narsalarni bilmayman. Ammo, hamma qatori men ham Elizabetaning xalqaro musobaqalarda yuqori marralarni zabt etishiga ishonaman.
Miron Goyxman championat.asia va olamsport.com saytlari uchun Pxyonchxandan maxsus tayyorladi
Bosh sahifaga
2080