"Markaziy" stadionda o'tkaziladigan uchrashuv soat 18:00da boshlanadi.
Ushbu uchrashuvdan bir kun avval, yani 19 fevral, dushanba kuni o'yinoldi rasmiy tadbirlar bo'lib o'tadi.
Demak, soat 11:30da boshlanadigan o'yinoldi matbuot anjumanining dastlabki qismida, “Al Vasl” vakillari ishtirok etishadi.
"Nasaf" ustozi Ro'ziqul Berdiev va bir nafar o'yinchi ishtirokidagi matbuot anjumani esa 12:00da boshlanadi.
O'yinoldi matbuot anjumanlari “Markaziy” stadionning anjumanlar zalida bo'lib o'tadi.
SHu kuni har ikkala klub rasmiylari ishtirokidagi yig'ilish (miting) soat 13:00da boshlanadi. Yig'ilish ham “Markaziy” stadionda bo'lib o'tadi. Unda bir qator tashkiliy masalalar qatori, 20 fevral kuni bo'ladigan uchrashuvda jamoalarning qanday liboslarda maydonga tushishi o'zaro kelishib olinadi.
“Nasaf”ning o'yinoldi rasmiy mashg'uloti shu kuni soat 17:00da boshlanadi.
“Al Vasl” jamoasining o'yinoldi rasmiy mashg'uloti esa soat 18:00da boshlanadi. O'yinoldi rasmiy mashg'ulotlari ham “Markaziy” stadionda o'tkaziladi.
Jurnalistlarga rasmiy mashg'ulotlarning dastlabki 15 daqiqasini kuzatish imkoniyati beriladi.
O'yinoldi matbuot anjumanlarida va jamoalarning rasmiy mashg'ulotlarida klubimiz tomonidan akkreditaciyadan o'tgan jurnalistlar ishtirok etishlari mumkin.
“Nasaf” PFK matbuot xizmati
Bosh sahifaga
158