Bellashuvda tomonlar murosa ko'chasini tanlashdi. SHunday qilib “Neftchi” jamoasi oxirgi 4 ta o'yinning 3 tasida durang natija qayd etdi. Bir g'alaba “Metallurg” bilan o'yinda kuzatildi. Yangi tarkibni shakllantirayotgan murabbiylar shtabi uchun Toshkentdagi yig'in ayni muddao bo'lmoqda.
Uchrashuv borasida fikr bildiradigan bo'lsak, “Neftchi” bahsdan bahsga o'z o'yinini kuchaytirib bormoqda. “Qizilqum”ga qarshi uchrashuvda ham ko'plab xavfli vaziyatlar yuzaga kelganini aytib o'tish o'rinlidir. Ayniqsa oldingi chiziqda Amirjon Safarov va Vyacheslav Sushkinlar bir-birlarini yaxshi tushunib harakat qilishmoqda. O'yinda tezkor gol kiritildi. Abdujamol Isroilov o'ng qanotdan jarima maydonchasi ichiga to'pni havolatib tashlab berdi. Markazda turgan Safarov hammadan chaqqonroq harakat qilib, boshi bilan darvozaga zarba berdi va gol. 1:0. “Qizilqum”ning javob goli o'zini uzoq kuttirmadi. 39-daqiqada navoiyliklar safida Guja Grigalashvili Abdujalilov qo'riqlayotgan darvozani aniq nishonga oldi.
Ikkinchi bo'limda “Neftchi” murabbiylari bir qator o'zgarishlarni amalga oshirishdi. Abdujalilov, Safarov hamda Abdulhaqovlar o'rniga Sunatillo Ermatov, Otabek Ahmadjonov va Jalil Kimsanovlar maydonga tushirildi. Undan tashqari uchrashuv bosh hakami Vadim Agishev kutilmagan qarorni amalga oshirdi. “Neftchi” himoyachisi Avaz Agaliev o'yin payti maydon tashqarisida turganlar bilan tortishgani uchun qizil kartochka oldi. Uning o'rnini to'ldirish maqsadida Avazbek O'lmasaliev bahsga qo'shildi.
Navbatdagi 45 daqiqalikda Otabek Ahmadjonov, Sunatillo Ermatov va Jasur Azimovlarda ko'proq vaziyatlar yuzaga keldi. SHu qatori Farg'ona jamoasi ijrosida bir qator uzoqdan xavfli zarbalarga shohid bo'ldik. Ammo o'yin oxirigacha qulay vaziyatlar bo'lgani bilan boshqa gol kiritilmadi.
“Neftchi” murabbiylar shtabi bahsda quyidagi tarkibdan foydalanishdi.
“Neftchi”: Abdumavlon Abdujalilov, SHukurali Po'latov, Davron Mamatov, Avaz Agaliev, Iskandar SHoykulov, Jasur Azimov, Abdujamol Isroilov, Abbos Maxstaliev, Abdurahmon Abdulhaqov, Amirbek Safarov. Vyacheslav Sushkin.
Zaxira: Vitaliy Mirnyy, Avazbek O'lmasaliev, Husniddin G'ofurov, Sunatillo Ermatov, Otabek Ahmadjonov, Elyor Mamasoliev,
"Qizilqum": Erkin Jabborov, Giorgi Kvesieshvili, Muhsin Ubaydullaev, Husniddin Fazliddinov, Akmal Rustamov, Erkin Boydullaev (s), Mirjalol Qosimov, Samandar SHodmonov, Doniyor Usmonov, Nodirxon Kamolov, Guja Grigalashvili.
Bosh sahifaga
329