Raqib BAA yuqori ligasida ishtirok etuvchi "Al-Dafra" klubi bo'ldi. Ushbu jamoaga yanvar oyidan Igor Sergeev qo'shilgandi. Igor dastlabki daqiqalardan jamoamizga qarshi bellashuvda maydonga tushirildi.
"Jebel Ali" sport majmuasida o'tkazilgan o'yin mahalliy vaqt bilan 16:00da boshlanadi. SHota Arveladze dastlabki uchrashuvda 11 nafar futbolchini almashtirmasdan o'ynatishga qaror qildi. Bellashuv "Paxtakor"ning sezilarli ustunligi ostida kechdi. Griffits va Ahmedovning zarbalariga ozroq aniqlik etishmadi. 28-daqiqada Sayfiev chap qanotdan boshlagan hujumni davom ettirgan jamoamiz hisobni ochdi. Griffits yakuniy zarbani aniq berdi - 1:0. Bir necha daqiqadan keyin Abdurahimovning urinishi samarasiz chiqdi.
Ikkinchi bo'limda ham ustunligimiz sezilib turdi. 80-daqiqada Abdurahimovning bir raqibni aldab o'tib oshirgan to'pini Gonsalvesh yaqin masofadan darvozaga yo'lladi va hisobni 2:0ga etkazdi. Ushbu natija o'yin oxirigacha o'zgarmadi.
"PAXTAKOR" - "AL-DAFRA" - 2:0 (1:0)
17 fevral. Dubay. "Jebel Ali" maydoni.
"Paxtakor": Suyunov, Sayfiev, Azamov, Tojiev, SHorahmedov, Griffits, Ahmedov, Masharipov, Abdurahimov, Bezerra, Gonsalvesh.
Gollar: Griffits 28, Gonsalvesh 80.
Maydonga tushirilgan futbolchilar maxsus jismoniy test topshirishdi. O'yinchilarning jismoniy holatini yuqori darajaga chiqarish uchun shunday mashqlar tanadagi o'zgarishlarni nazorat qiluvchi maxsus apparatlar yordamida bajarilmoqda.
Kun yakunida 17 fevral kuni tug'ilgan kunini nishonlagan Tiago Bezerra va Dilshod Rahmatullaev jamoa tomonidan tabriklandi. SHunday qilib, "Paxtakor"ning BAAdagi uchinchi kuni yakunlandi.
Bosh sahifaga
1081