- Yangi mavsumga qay darajada tayyorgarlik ko'ryapsizlar?
- Biz mavsumga jiddiy tayyorgarlik ko'ryapmiz. Umid qilamanki chempionat startini yaxshi boshlaymiz. Barcha futbol muxlislari va futbolchilar rasmiy o'yinlarni sog'indi.
- Hozir BAAda mashg'ulot o'tkazyapsizlar. O'rtoqlik o'yinlari rejalashtirilganmi, qaysi klublarga qarshi o'rtoqlik o'yini o'tkazasizlar?
- Raqiblarni murabbiylar tanlashadi, biz kim bilan o'ynashimizga unchalik qiziqmaymiz. Igor Sergeev jamoasiga qarshi nazorat uchrashuvini o'tkazdik. Ushbu bahsda yirik hisobda g'alaba qozonishimiz mumkin edi. Bundan tashqari Emiratning yana ikki jamoasiga qarshi o'rtoq uchrashuvi o'tkazamiz.
- Sizningcha bu yilgi chempionat qay darajada qiziqarli bo'ladi?
- Bu yilgi chempionat bahslari avvalgilariga qaraganda qiziqarli o'tadi, deb o'ylayman. Musobaqa ishtirokchilari va chempionat formatiga o'zgartirish kiritildi. SHuning uchun ham har bir o'yinda jiddiy kurash kechadi. Bu esa chempionatimiz saviyasi o'sishi uchun yordam beradi. raqobat qanchalik kuchli bo'lsa futbol ham shunchalik tez o'sishga erishadi.
- O'zbekiston milliy terma jamoasiga Temur Kapadze vaqtinchalik bosh murabbiy bo'ldi. Bunga qanday fikr bildirasiz?
- Avvalam bor Temur Kapadzega murabbiylik faoliyatida omad tilayman. Meni fikrimcha, undan yaxshi murabbiy chiqadi. Terma jamoada biroz ishlash imkoniyatini har kimga ham berishmaydi.
- Kecha MTJning vaqtinchalik bosh murabbiyi kengaytirilgan tarkibni elon qildi. Lekin terma jamoa tarkibidan siz o'rin olmadingiz. Bunga qanday munosabat bildirasiz?
- Bu MTJda vaqtinchalik ishlayotgan bosh murabbiyining qarori. Meni maqsadim, milliy terma jamoa bosh murabbiyining etiboriga tushish. Bu haqida muhokama qilishni istamayman. Har kimni o'z qarashi bor.
Jahongir Sotvoldiev suhbatlashdi
Bosh sahifaga
170