"Dinamo" Toshkentda yig'in boshladi

2018 yilgi tayyorgarlik rejasi doirasida dastlab 20-28 dekabr kunlari, so'ng 6-30 yanvar, 5-16 fevral kunlari Samarqanddagi qarorgohida o'quv-mashg'ulot yig'inini tashkil etgan «Dinamo» Navoiyda «Qizilqum», Qarshida «Nasaf», Samarqandda «Sochak» va «SHerdor» klublari bilan nazorat bahslari o'tkazdi.

Endi esa yig'inning yakuniy bosqichi poytaxtda boshlandi. Ilhom SHaripov menejerligida, Uchqun Qobilov va Rafael Balasanyan murabbiyligida ikki hafta davom etishi ko'zlangan ushbu yig'in davomida o'rtoqlik uchrashuvlari bo'lib o'tadi, shuningdek tarkibda bir qator futbolchilar sinovdan o'tkaziladi.