Malumotlarga ko'ra, agar futbolchining o'zgarishlarsiz o'tkazgan o'yinlarini hisobga olsak, bu argentinalik uchun eng yomon ko'rsatkich. Joriy mavsum Messi Ispaniya chempionatida har 90 daqiqada o'rtacha 5,6ta zarba bermoqda. CHempionlar ligasi guruh bosqichidagi ko'rsatkich esa 5,7 bo'lgan edi.
"Barselona" "CHelsi"ga qarshi bahsda 7 marta darvozaga zarba berdi (2tasi aniq). Bu Kataloniyaliklarning 2017 yil 14 fevraldan keyingi eng yomon natijasi. O'shanda "Barselona" PSJ darvozasiga xuddi shuncha aniq va noaniq zarba bergan, biroq 0:4 hisobida mag'lub bo'lgan.
"CHelsi" yarim himoyachisi Villian "Barselona" bilan bahsda aldab o'tish bo'yicha etakchi bo'ldi. Braziliyalik 12 marta bunga uringan bo'lsa, ularning 9tasi muvaffaqiyatli yakunlandi. Bu ko'rsatkich bo'yicha Messi ikkinchi o'rinda - 11ta aldashga urinish, ammo 4tasi amalga oshdi.
"Bavariya" joriy mavsum CHempionlar ligasida zarba berish bo'yicha birinchi o'ringa chiqib oldi. Myunxenliklar "Beshiktosh"ga qarshi uchrashuvda raqib darvozasi tomon 28 marta zarba berishdi. Endi ularning bir bahsdagi o'rtacha zarbalari soni 18,6taga etdi. Ikkinchi o'rinda "Liverpul" (18,1), uchinchida esa - "Real" (17,9).
Bosh sahifaga
1920
22 Mart 2023, 16:44