Toshkent shahar futbol federaciyasi maktablar o'rtasida liga tashkil qiladi

Unga ko'ra, 2018 yilning yangi o'quv yilidan boshlab Toshkent shahridagi 11ta tuman terma jamoalari uy safar tizimidan foydalangan holda o'z chempionatlarida ishtirok etadilar.

Ommaviy futbolni sifatini oshirish uchun, har bir tuman terma jamoasiga, o'sha tumanda faoliyat olib borayotgan BO'SM biriktirib qo'yiladi. Tuman terma jamoalari, hududlarda sifatli terma jamoalar tuzilishini taminlash uchun Sport vazirligi tasarrufidagi BO'SMlar bilan hamkorlikda yangi o'quv yili oldidan futbol sir asrorlarini o'rganadilar.

4 sinf o'quvchilari tuman sharafini chempionlik poygasida himoya qilsalar, 1-3 sinf tarbiyalanuvchilari ochkosiz tizimda ishtirok etadilar.

Yangi o'quv yilidan etiboran boshlang'ich tizim tarbiyalanuvchilariga, shanba dam olish kuni deb elon qilinganidan unumli foydalangan holda tur o'yinlarini aynan shu kunga belgilanidi. SHunda biron bir klubda faoliyat olib borayotgan yosh futbolchi yakshanba kuni bo'lib o'tadigan klublar o'rtasidagi shahar chempionatida qiyinchiliksiz qatnashish imkoniyatiga ega bo'laveradi.

Toshkent shahar futbol federaciyasi tomonidan ishlab chiqilgan loyiha boshqa viloyatlarda ham qo'llanilishi ustida ish olib boriladi.