Uchrashuv teng kurashlar ostida boshlangan bo'lsada, keyinchalik tashabbus navoiyliklar tomonida bo'ldi. Nemanya Yovanovich, Doniyor Usmonov, Erkin Boydullaev tomonidan yo'llangan zarbalarni mehmonlarning legioner posboni Stoshich muvaffaqiyatli bartaraf etib turdi. Bir vaziyatda Grigalashvilining zarbasi darvoza ustuniga tegib qaytdi.
Ikkinchi bo'limda ham navoiyliklar tashabbusni o'z qo'llarida saqlab turishdi. Ammo tojikistonlik futbolchilarning kam sonli hujumlaridan biri gol bilan yakunlandi. Sergey Zenkoning kuchli zarbasi himoyachilarimizdan biriga tegib yo'nalishi biroz o'zgartirdi va darvozaning uzoq burchagiga borib tushdi. SHundan keyin ham “Qizilqum” futbolchilari hujumkorlini susaytirishmadi. 75-daqiqada Erkin Boydullaevning uzoq masofdan yo'llagan zarbasi raqib himoyachilaridan biriga tegib, “rikoshet” holatida darvoza to'ridan joy oldi – 1:1. Bo'lim oxirlarida navoiyliklar sardori jamoasiga g'alaba taqdim etishi ham mumkin edi. Darvozabon bilan deyarli birga bir vaziyatga chiqib borgan tajribali yarim himoyachi to'pni o'zidanda qulayroqda turgan sherigiga oshirishga urindi va to'p darvoza ustuni oldidan o'tib ketdi. Natijada tomonlar uchrashuvni durang bilan yakunlashdi.
Nazorat uchrashuvi. 23.03.2018.
“Qizilqum”- “Istiqlol” (Dushanbe) 1:1.
Toshkent. JAR stadioni.
Boshhakam: Ahrol Risqullaev.
“Qizilqum”: Evgeniy CHeremisin, Muhsin Ubaydullaev, Fayzulla Qambarov, Giorgi Kvesieshvili, SHerali Jo'raev, Erkin Boydullaev, Samandar SHodmonov (Nodirxon Kamolov, 46), Mirjalol Qosimov, Doniyor Usmonov (Akmal Rustamov, 46, Elguja Grigalashvili, Nemanya Yovanovich (Andrey Sidorov, 80).
“Istiqlol”: Stoshich, Baranovskiy, Asrorov, Jalilov, Jo'raboev, Nazarov, M. Hasan, Tixonoveckiy, Fatxulloev, Vosiev, Zenko.
Gollar: Erkin Boydullaev (75) – Nikolay Zinko (67).
Bosh sahifaga
221