Raqib o'tgan mavsum chempionatda ettinchi o'rinni egallagan Muborakning “Mashal” jamoasi bo'ldi. Qiziqarli, murosasiz ruhda utgan uchrashuvda bekobodliklar 1:0 hisobida g'alaba qozonishdi. O'yin taqdirini hal etuvchi golni poytaxt viloyati vakillari standart vaziyatdan kiritishdi. 74-daqiqada burchakdan etkazib berilgan to'pni Abbos Otaxonov boshi bilan urib raqib darvozasi to'riga tushirdi.
Bekobodliklar raqiblari darvozasini shundan keyin ham ishg'ol etishga muvaffaq bo'lishgandi. Biroq Zohid Abdullaevning kiritgan golini qanot hakami o'yindan tashqari holatda deb baholadi va inobatga olmadi. Bundan tashqari ham bekobodliklar yana bir qator vaziyatlardan foydalana olishmadi. O'z navbatida uchrashuv qahramonlaridan biri sifatida “Metallurg” posboni – Zafar Safaevni ham misol qilib ko'rsatish mumkin. Boisi u kamida uch-to'rt vaziyatda jamoasini muqarra gollardan saqlab qoldi. Ikki marta esa to'p darvoza to'siniga tegib qaytdi.
Murabbiylar shu kuni “Metallurg” tarkibida shug'ullanayotgan barcha o'yinchilarga maydonga chiqish imkoniyatini berishdi.
Bosh sahifaga
251