2018 yil oxirida shartnomasi yakuniga etadigan futbolchiga "Paxtakor" taklif bilan chiqqandi. "Bunyodkor" uni sotishni reja qilganini ommaga elon qildi. Orada "Anji" bilan hamkorlik qiluvchi agentlar Hamdamovning shartnomasi tugayotganini bilib uni maxachqalaliklarga tavsiya qilgan.
"Anji" shartnomada ko'rsatilgan futbolchini qo'yib yuborish summasini to'lagan holda uni erkin agent sifatida qo'lga kiritishi mumkin. Ammo futbolchi yuqoridagi qarorlarsiz klubni tark etdi. Bizga malum bo'lishicha, bundan na Murod Alievning va na Mirjalol Qosimovning xabari bo'lgan.
Eng qizig'i, Hamdamov "Bunyodkor" bilan shartnomani bekor qildirish bo'yicha advokatlarga murojaat qilgan. Balki qonuniy tarafdan futbolchining haqqi bordir. Aytalik, 3 oydan ortiq vaqt davomida klub maosh to'lamasa futbolchining ixtiyori o'zida qoladi. Lekin insoniylik-chi? Hamdamovni Hamdamov qilgan kim? Hattoki "Mashal"dan tayyor kelgan SHomurodov va SHukurov OCHLda o'ynash amaliyoti bergan, milliy terma jamoa saviyasidagi futbolchi bo'lib etishishida katta hissa qo'shgan "Bunyodkor"dan klubning rozi rizoligi bilan ketdi, SHomurodov orqasidan klub pul ham ishlab oldi. Hamdamov esa 13 yoshida "Bunyodkor" akademiyasiga kelgandi, 13 yoshda!
Bugun u 22ga to'ldi, "Bunyodkor" safida u 9 yil to'p tepdi! SHu yillar mobaynida "Bunyodkor" uni edirdi, ichirdi, kiyintirdi va futbolchi sifatida tanilishida juda katta rol o'ynadi! Nahot shuncha qilingan mehnat bir og'iz ruxsat so'rab ketish uchun kamlik qilsa? SHunday rejang bor ekan, avvaldan qilmaysanmi, Qosimov chempionatga boshqa o'yinchi bilan tayyorlanmaydimi?
Hamdamovning bu xatti-harakatini gapirayotganlar futbol jamoatchiligi ichida ko'p. O'z paytida Mirjalol Qosimov "Paxtakor"dan ketayotganida o'zidan pul qoldirib ketgan. Aleksandr Geynrix har doim yangi jamoaga borishidan avval "Paxtakor" bilan shartnoma tuzardi va o'sha klub uni sotib olardi, Geynrix bu bilan klubga bo'lgan sadoqatini ko'rsatib kelgan. Ahmedovning ortidan "Paxtakor" ancha pul ishladi. Lekin Hamdamov-chi?
Biz saytimiz va minglab muxlislar nomidan bir gapni aytishimiz mumkin, Doston, o'ylab ish qil! Avvalo jarohat olma, lekin mushkul holatga tushsang seni o'zga davlat emas, O'zbekiston klubi bag'riga oladi. Agar chiqayotganda eshikni qattiq yopib ketsang, senga uni qaytib birov ochmaydi!
Sayt tahririyati.
Tuzliqqa tupurish bo'lmasin, Hamdamov!
/ Kiritdi: BestMaster O'qilgan: 1688
Bosh sahifaga
345